| 1. |
Ter ondersteuning van die implementering van die Kurrikulum en Assesseringsbeleidsverklaring (KABV) in graad 11 in 2013, het die Departement van Basiese Onderwys (DBO) 'n katalogus van handboeke vir hierdie graad ontwikkel. |
| 2. |
'n Elektroniese weergawe van die nasionale katalogus van goedgekeurde graad 11-handboeke, ontwikkel deur die DBO, is aangeheg. (Bylae A) |
| 3. |
Omsendbrief 0014/2012 (van 02-05-2012) het skole ingelig aangaande die voorneme van die Wes-Kaap Onderwysdepartement (WKOD) om alle graad 11-leerders van openbare skole te voorsien van ses handboeke per leerder, d.w.s. 'n handboek vir elke vak wat geneem word, met die uitsondering van Lewensoriëntering, wat uit skoolfondse voorsien sal word. |
| 4. |
Skole moet die handboeke wat hulle gekies het, bestel deur middel van die aanlynhandboekbesteltuiste wat op SOBIS of I-SAMS geskep is. Die volgende stappe soos hieronder uiteengesit, moet gevolg word:
| Stap 1: |
Log in op SOBIS of I-SAMS met u skool se login en kodewoord. |
| Stap 2: |
Kies die "Administration"-opsie op die kieslys. |
| Stap 3: |
Op die aftuimellys kies "CAPS Gr 11 Textbooks", en 'n subkieslys sal verskyn. |
| Stap 4: |
Op die subkieslys, kies "CAPS Grade 11 Orders" |
| Stap 5: |
Om te begin met die vaslegging van u bestelling, kies 'n onderwerp van die "Select Subject" boks. Dit is slegs 'n lys van die vakke wat deur u skool aangebied word. |
| Stap 6: |
Wanneer u op 'n vak kliek, sal 'n lys van die handboektitels wat vir daardie vak goedgekeur is, verskyn. |
| Stap 7: |
Om 'n spesifieke titel te bestel, kliek op die titel en vul in die getal handboeke vereis. Maak asseblief seker dat die handboeke wat u gekies het, in die korrekte taal is. 'n Onderwysersgids sal outomaties vir hierdie titel bestel word. |
| Stap 8: |
Kliek op die "Save Book Quantities"-blokkie na elke handboektitel ingesleutel is. |
| Stap 9: |
Sodra u die handboeke vir elke vak wat by u skool aangebied word, ingesleutel het, kyk na en druk u bestelling deur "CAPS Gr 11 Orders Captured" op die subkieslys van "Administration" te kies. |
| Stap 10: |
Wanneer u geverifieer het dat u bestelling korrek is en binne u bestelperk is.
(Bylae B) |
|
| 5. |
Die Graad 11-aanlynbestelfasiliteit op SOBIS of I-SAMS sal slegs aktief wees vir die periode 16 tot 31 Julie 2012.Skole moet seker maak dat hulle bestellings ingesleutel en afgeteken is op SOBIS en I-SAMS voor 31 Julie 2012 om nie hierdie geleentheid mis te loop nie. |
| 6. |
Die volgende vakke het geen handboeke op die goedgekeurde Nasionale Katalogus nie: Landboubestuurspraktyke, Landboutegnologie, Dansstudies, Inligtingstegnologie, Musiek, Dramatiese Kunste (Afrikaans), Ingenieursgrafika en -ontwerp (Afrikaans) en Rekeningkunde (Engels). Skole sal 'n geleentheid gegun word om vir hierdie vakke te bestel wanneer die DBO die aanvullende Nasionale Katalogus op 30 September 2012 beskikbaar stel.
|
| 7. |
Om skole by te staan met die maak van ingeligte handboekkeuses, sal die WKOD in samewerking met uitgewers reisende boekuitstallings op geïdentifiseerde plekke oor alle distrikte heen tussen 16 en 23 Julie 2012 aanbied. |
| 8. |
Die WKOD sal probeer om skole te voorsien van die handboeke van hulle keuse. Dit mag egter nie altyd moontlik wees binne ons huidige begroting nie. |
| 9. |
Bring asseblief die inhoud van hierdie omsendbrief onder die aandag van alle betrokke personeel. |
GETEKEN: PENNY VINJEVOLD
HOOF: ONDERWYS
DATUM: 2012:00:00
|
 |