| 1. |
Hierdie omsendbrief vervang omsendbrief 0018/2012 gedateer 23 Mei 2012 in sy geheel. |
| 3. |
Hierdie regulasies herroep, in geheel, die volgende: |
| 3.1 |
Die Regulasies Betreffende Ernstige Wangedrag van Leerders(Uitgesonder Skole vir Leerders wat daarheen gestuur is Ingevolge die Kinderwet, 1983 (Wet 74 van 1983), en/of die Strafproseswet, 1997 (Wet 51 van 1997) in die Wes-Kaapprovinsie, en die dissiplinêre prosedures wat in sodanige gevalle gevolg moet word soos gepubliseer in Buitengewone Provinsiale Koerant No. 5190 van 31 Oktober 1997. |
| 3.2 |
Die Algehele Handleiding vir die Skorsing en Uitsetting van Leerders uit Openbare Skole, gepubliseer in Omsendbrief No. 0030/99 van 18 Maart 1999. |
| 3.3 |
Kennis van Dissiplinêre Verhoor (Bylae E) en Indiening van Appél (Bylae G), soos gepubliseer in Omsendbrief No. 0024/2009. |
| 4. |
Dit is die verantwoordelikheid van prinsipale en beheerliggame om te verseker dat daar gehou word by die prosedure en substansie van die bepalings van die nuwe regulasies, en veral by die volgende - |
| 4.1 |
alle dissiplinêre aksies wat ingestel is voor 2 April 2012 en waarvoor aanbevelings van uitsetting aan die Departementshoof gemaak is, en/of waarvan 'n appèl hangende is, sal gefinaliseer word soos voorsien is onder die Regulasies en Omsendbrief genoem in 3.1, 3.2 en 3.3 hierbo. |
| 4.2 |
daar sal met alle dissiplinêre aksies wat ingestel is na 2 April 2012 gehandel word soos beoog in die nuwe Regulasies oor Dissiplinering, Skorsing en Uitsetting van Leerders van Openbare Skole in die Wes-Kaap. |
| 5. |
Beheerliggame en prinsipale van openbare skole moet hierdie nuwe regulasies implementeer om die belange en regte van leerders wat geraak word en hulle grondwetlike reg op prosedurele billikheid te beskerm, wat die volgende behels, onder andere, dat: |
| 5.1 |
die leerder en die ouer van die leerder ingelig word op 'n behoorlike wyse en deur die kennisgewing beoog in regulasie 5 van die beweerde ernstige wangedrag; |
| 5.2 |
die kennisgewing aan die leerder en ouer of voog van die leerder moet voldoende besonderhede bevat wat betref die datum, tyd en plek van die dissiplinêre verhoor; |
| 5.3 |
die leerder en ouer of voog van die leerder is ten volle ingelig aangaande hulle reg om toegang te verkry tot dokumente betreffende beweerde ernstige wangedrag; |
| 5.4 |
die leerder het die reg om verteenwoordig te word by die verhoor, om vrae te stel en getuies onder kruisverhoor te neem; en |
| 5.5 |
die leerder en ouer of voog het die reg om ingelig te word, skriftelik, van die besluit van die beheerliggaam, of die Departementshoof waar uitsetting aanbeveel is en van die reg van die leerder of ouer of voog om appèl aan te teken teen die besluit van die Departementshoof by die Provinsiale Minister. |
| 6. |
In alle gevalle van skorsing soos beoog in Regulasie 4, moet die distriksdirekteur via kringspanbestuurders ingelig word van die aard en periode van skorsing. |
| 7. |
Stiptelike uitreiking van dokumentasie is noodsaaklik. Die Hoof Van Die Wes-Kaap Onderwysdepartement (WKOD) moet alle relevante dokumente ontvang, met inbegrip van die vorms wat aangeheg is by hierdie omsendbrief van die beheerliggaam binne 3 dae van die besluit om uitsetting aan te beveel. Die Departementshoof moet, binne 14 dae, 'n besluit neem en die ouers of voog inlig, via die skool, van sy/haar besluit. In die lig hiervan moet die dokumente waarna verwys word in Regulasie 8(1)(b), sowel as kopieë van die geskrewe kennisgewings wat die leerder en die ouer of voog inlig aangaande die wangedrag en aanbeveling van die beheerliggaam, óf gefaks óf per hand afgelewer óf ge-e-pos word onder dekking van die Vorm vir die Aanbeveling van Uitsetting van 'n Leerder (Bylae D) en wel aan die volgende adres:
| |
Hoof: Onderwys
Vir aandag: Mnr GCA Timm
Wes-Kaap Onderwysdepartement
Kamer 926,(9de Vloer)
Grand Central Towers
Laer Parlementstraat
Kaapstad
8001 |
| |
Faksno: 021 461 3694
Tel. no.: 021 467 2844
e-pos: Gerald.Timm@pgwc.gov.za |
Terselfdertyd moet kopieë van hierdie dokumente voorsien word aan die kringspanbestuurder of IBB-bestuurder deur die prinsipaal. Prinsipale moet daarop let dat hierdie beamptes hulle kan nader vir verdere duidelikheid. Dit mag ook nodig wees vir die Hoof van die WKOD om prinsipale of distriksbeamptes direk te kontak vir enige additionele inligting.
|
| 8. |
Volle notules moet gehou word van geregtelike stappe waar aanklagte van wangedrag teen 'n leerder ondersoek en/of bespreek word. Die volgende moet, onder andere, genotuleer word sodat die Hoof van die WKOD kan vasstel of die ouer of voog van die leerder of hulle verteenwoordiger die geleentheid gebied is om hulle kant van die saak te stel en of hulle verteenwoordiging behoorlik in ag geneem is in die finale besluit: |
| 8.1 |
Die volle aanklagte teen die leerder |
| 8.2 |
Hoe die leerder pleit en die reaksie van die ouer of voog of hulle verteenwoordiger op die aanklagte |
| 8.3 |
Vrae gestel deur die leerder, die ouer of hulle verteenwoordiger, en die reaksies op sodanige vrae |
| 8.4 |
Die reaksie van die beheerliggaam op die verteenwoordiging van die leerder, die ouer of hulle verteenwoordiger |
| 8.5 |
die besluit van die beheerliggaam en die redes vir sodanige besluit. |
| 9. |
Ingevolge regulasie 4(1), mag die beheerliggaam 'n leerder skors. Beheerliggame moet ook daaraan dink dat hulle leerders mag skors ingevolge regulasie 4(1)(a en 4(1)(c) indien die leerder se teenwoordigheid by die skool 'n bedreiging inhou vir die skoolgemeenskap, en dat 'n uitsetting nie summier toegepas moet word nie. |
| 10. |
Indien prinsipale probleme ondervind met die interpretasie van die betrokke regulasies, moet kringspanbestuurders of IBB-bestuurders geraadpleeg word voor stappe teen ingeskrewe leerders gedoen word. Distriksdirekteurs en kringspanbestuurders word versoek om seker te maak dat prinsipale binne hulle diensareas ten volle ingelig is aangaande die voorwaardes en prosedures soos bevat in die nuwe regulasies. |
| 11. |
Kringspanbestuurders sal 'n afskrif ontvang van die dokumentasie (nie die oorspronklike nie) wat na die Hoof van die WKOD gestuur is. Hulle moet hulleself vergewis van die omstandighede van elke geval om die Hoof van Onderwys te help indien verdere verduideliking of inligting nodig mag wees, of om hulle in staat te stel om die nodige ondersteuning te bied aan die leerder nadat die besluit geneem is. |
| 12. |
Uitsetting moet beskou word as die laaste uitweg nadat alle ander dissiplinêre maatreëls gefaal het. |
| 13. |
Aangeheg tot hierdie regulasies is die volgende bylaes, ontwerp om beheerliggame en prinsipale van openbare skole by te staan om te verseker dat 'n billike en regverdige prosedure gevolg word.
| Bylae A: |
Kennisgewing aan die leerder en die ouer aangaande 'n dissiplinêre verhoor ingevolge Regulasie 5 |
| Bylae B: |
Kennisgewing van 'n strafbepaling deur die beheerliggaam ingestel ingevolge Regulasie 7 |
| Bylae C: |
Kennisgewing van die besluit van die beheerliggaam om uitsetting van die leerder by die Departementshoof aan te beveel ingevolge Regulasie 8 |
| Bylae D: |
Aanbeveling deur die beheerliggaam aan die Departementshoof om die leerder uit die skool te sit |
|
| 14. |
Daar moet op gelet word dat hierdie regulasies nie van toepassing is op 'n kind- of jeugsentrum soos beskryf in artikel 191 van die Kinderwet, 2005 (Wet 38 van 2005)nie. Formele dissiplinêre verhore word ook nie aanbeveel vir kinders in graad R tot 3 nie. |
| 15. |
Skoolhoofde en distriksdirekteure word vriendelik versoek om die inhoud van hierdie minuut onder die aandag van hulle hele personeel te bring. |
GETEKEN: PENNY VINJEVOLD
HOOF: ONDERWYS
DATUM: 2012:06:06
|
 |