1. Die Minister van Basiese Onderwys, in konsultasie met die Raad van Onderwysministers, het dit goedgekeur dat die praktiese musiekprogramme van die Associated Board of the Royal Schools of Music, Trinity College of London en UNISA vir die Nasionale Senior Sertifikaat (NSS) aangebied kan word, soos gepubliseer in die Staatskoerant No. 34473 van 21 Julie 2011 onder beperkte voorwaardes.

2. Die Praktiese Musiekprogram van een van die drie eksterne eksaminerende liggame kan vanaf Januarie 2014 in graad 12 aangebied word onder die volgende voorwaardes:
2.1 Die eksterne Musiekprogramme mag slegs as 'n agste NSS-vak aangebied word. Hierdie vak sal nie vir sertifikasie doeleindes gebruik word nie.
2.2 'n Leerder mag vir die gekose eksterne Musiekprogram alleenlik in sy of haar graad 12- jaar inskryf.
2.3 Die gekose eksterne Musiekprogramme moet soos volg aangebied word op die graad 7 Praktiese Musiekvlak:

Praktiese Musiekeksamen Voorvereiste Teoriekomponent
Associated Board of Royal Schools of Music (ABRSM) Praktiese Musiek graad 7 ABRSM Musiekteorie graad 6
Trinity College of London (TCL) Praktiese Musiekeksamen graad 7 TCL Musiekteorie graad 6
UNISA Praktiese Musiekeksamen graad 7 UNISA Teorie graad 5
2.4 Die eksterne Musiekeksamenliggaam se finale uitslae, gebaseer op die teoretiese en praktiese komponente, sal aanvaar word as die finale punt wat deur die kandidaat behaal is.
2.5 Die praktiese komponent moet deur die kandidaat gespeel word nie later nie as Junie van die graad 12-jaar.
2.6 Die teorie moet deur die kandidaat op die vroegste in Oktober van die graad 11-jaar voltooi word.
2.7 Die punte wat verskaf word deur die drie eksterne musiekeksaminerende liggame sal aangedui word op die Nasionale Senior Sertifikaat as 'n vak wat geslaag is by 'n goedgekeurde en geakkrediteerde assesseringsliggaam ingevolge die vereistes van daardie liggaam. Die punt wat deur die kandidaat behaal is, sal aangedui word op die Nasionale Senior Sertifikaat met 'n asterisk wat aandui dat hierdie vak aangebied is deur 'n eksterne assesseringsliggaam ooreenkomstig daardie liggaam se vereistes.
2.8 'n Leerder sal beperk word tot 'n maksimum van een van die praktiese musiekeksamens van die ABRSM , TCL of UNISA.
2.9 'n Leerder wat Musiek (NSS) aanbied as 'n Groep B-vak vir die Nasionale Senior Sertifikaat, sowel as die graad 7 Praktiese Musiekprogram van die ABRSM of TCL of UNISA, as die agste vak, mag nie dieselfde hoofinstrument as 'n eerste en/of tweede instrument vir die twee eksamens aanbied nie.
2.10 'n Leerder wat Musiek aanbied (NSS) as 'n Groep B-vak vir die Nasionale Senior Sertifikaat sowel as die graad 7 Praktiese Musiekprogram van die ABRSM of TCL of UNISA as 'n agste vak, mag nie 'n Musiekprogram aanbied wat insluit 'n kombinasie van komponente van die Musiekprogramme van die drie eksterne musiekeksaminerende liggame nie.
2.11 Die Musiekprogramme van die ABRSM, TCL en UNISA mag nie gedurende die normale skoolure nie aangebied word nie, maar slegs as 'n buitemuurse vak.
2.12 Vanaf 2014, sal die Musiekprogramme van Eksterne Eksaminerende Liggame nie meer deel uitmaak van die 7-vakvereiste van die Nasionale Senior Serifikaat-eksamen nie.

3. Die bogenoemde vereistes vir die aanbied van die Musiekprogramme van die ABRSM, TCL en UNISA is ingesluit in die nuwe beleidsdokument, Nasionale Beleid rakende die Program- en Bevorderingsvereistes van die Nasionale Kurrikulumverklaring graad R – 12, wat deel uitmaak van die Nasionale Kurrikulumverklaring graad R – 12.

4. Die uitfasering van die bestaande eksterne Musiekprogramme en die implementering van die eksterne Musiekprogramme onder beperkte voorwaardes word in die tabel hieronder uiteengesit:

2012 2013 2014
Geen nuwe inskrywings in graad 10 nie Geen nuwe inskrywings in graad 11 nie Eerste groep leerders wat 'n eksterne Musiekprogram aanbied (as die agste vak) slegs in graad 12 onder beperkte voorwaardes.
Graad 11 – 12 gaan voort met die bestaande program Graad 12 gaan voort met die bestaande program Dit sal die laaste groep leerders wees om die bestaande eksterne Musiekprogram in die NSS-eksamen.  

5. Die status quo aangaande die bestaande beleid en regulasies betreffende die eksterne Musiekprogramme, soos uiteengesit in die volgende dokumente, sal gehandhaaf word tot dit in 2013 uitgefaseer word.
5.1 Nasionale Senior Sertifikaat: 'n Kwalifikasie op Vlak 4 van die Nasionale Kwalifikasieraamwerk (NKR), gepubliseer in die Staatskoerant No. 27819 van 20 Julie 2005
5.2 Die Nasionale Beleid oor die Afneem, Administrasie en Bestuur van die Nasionale Senior Sertifikaat – 'n kwalifikasie op vlak 4 van die Nasionale Kwalifikasieraamwerk, Staatskoerant, No. 30048 van 3 Julie 2007
5.3 Regulasies betreffende die Afneem, Administrasie en Bestuur van Assessering vir die Nasionale Senior Sertifikaat, Staatskoerant No. 31337 van 29 Augustus 2008

6. Prinsipale word vriendelik versoek om hierdie inligting onder die aandag te bring van alle Musiekonderwysers en leerders wat Musiek as 'n vak aanbied.


GETEKEN: PENNY VINJEVOLD
HOOF: ONDERWYS
DATUM: 2012:05:23

"Government Gazette No. 31337 of 29 August 2008"  (grootte: 2 180 KB)