| 1. |
Die implementering van die Kurrikulum-en-assesseringsbeleidsverklaring is afhanklik van handboeke wat vir elke vak aangebied word. |
| 2. |
Van elke skool word verwag om elke leerder van die nodige handboeke te voorsien vir elke vak. |
| 3. |
Omsendbrief 0014/2012 (van 02.05.2012) het skole ingelig dat die Wes-Kaap Onderwysdepartement (WKOD) aan leerders van openbare skole in die Intermediêre Fase en graad 11 ‘n handboek per vak vir alle vakke met die uitsondering van Lewensvaardighede en Lewensoriëntering sal voorsien. |
| 4. |
Skole ontvang jaarliks Norme-en-standaardebefondsing gegrond op hulle leerderinskrywing en kwintielstatus. Ten minste 50% van hierdie befondsing moet gebruik word vir die verskaffing van leer- en onderrigondersteuningsmateriaal (sien Omsendbrief 0003/2012 en 0004/2012). |
| 5. |
Die WKOD het die volgende LOOM-prioriteite gekies wat aangekoop moet word uit die skole se Norme-en-standaardetoekenning vir 2012:
- 'n Lewensvaardighedehandboek (graad 4 tot 6) of Lewensoriënteringhandboek (graad 11) per leerder
- Addisionele onderwysersgidse vir graad 4 tot 6 en 11
- Die Foundation Phase Phonics Programme van die Nasionale Katalogus
- Leesskemas or kernleesboeke vir graad 4 tot 6 van die Nasionale Katalogus
- Aanvullende handboeke vir graad 1 tot 3 en 10 van die Nasionale Katalogus
|
| 6. |
Volg asseblief die verkrygingsprosesse vir artikel 21- en nieartikel 21-skole soos verduidelik in die Norme-en-standaardeomsendbriewe 0003/2012 en 0004/2012 van 23 Januarie 2012. |
| 7. |
Skole moet handboekuitgifte en -herwinning doeltreffend bestuur sodat handboeke vir ten minste drie jaar behou kan word. |
| 8. |
Bring asseblief die inhoud van hierdie omsendbrief onder die aandag van alle lede van u personeel. |
GETEKEN: PA VINJEVOLD
HOOF: ONDERWYS
DATUM: 2012:05:24
|
 |