| 1. |
Ingesluit is 'n afskrif van die finale rooster vir die Nasionale Senior Sertifikaat (NSS) Eksamen van Oktober – November 2012.
|
| 2. |
Hierdie rooster is geëndoseer deur Hoofde van die Onderwyskomitee en goedgekeur deur die Raad van Onderwysministers. |
| 3. |
Die eksamen is geskeduleer om op 22 Oktober 2012 te begin en eindig op 28 November 2012. |
| 4. |
Twee eksamensessies is vir elke dag geskeduleer. Die oggendsessie sal om 09:00 begin en die middagsessie om 14:00. |
| 5. |
Normale klasse moet voortduur tot 12 Oktober 2012, om soveel onderrigtyd as moontlik te verseker. Prinsipale van skole mag kies om die graad 12-leerders van 2012 toe te laat om tuis te studeer vanaf 15 Oktober 2012 met die oog op voorbereiding vir die NSS-eksamen. |
| 6. |
Ten opsigte van die toelating van kandidate tot die eksamenlokaal, moet toesighouers verseker dat elke kandidaat sy of haar toelatingsbrief en identiteitsdokument toon. Toesighouers moet hierdie toelatingsvereistes streng toepas. 'n Kandidaat wat nie die vereiste dokument(e) toon wanneer hy of sy die eksamenlokaal betree nie, moet egter nie verhinder word om daardie besondere eksamen te skryf nie. Die betrokke kandidaat moet die vereiste dokument(e) die volgende dag toon. Indien daardie kandidaat nalaat om dit te doen, moet 'n onreëlmatigheid verklaar word en die prosedure met betrekking tot onreëlmatighede moet gevolg word. |
| 7. |
Die hoofopsiener moet verseker dat kandidate die eksamenlokaal 35 minute voor die amptelike eksamensessie se aanvangstyd binnegaan. Hierdie tyd moet as volg benut word: |
| 7.1 |
Die eerste 25 minute moet aangewend word om die kandidate in hulle korrekte sitplekke te kry, die vraestelle uit te deel, selfone bymekaar te maak, ens. |
| 7.2 |
Tydens die oorblywende 10 minute moet kandidate die geleentheid kry om die vraestel deur te lees. |
| 7.3 |
Op geen stadium tydens hierdie 35 minute is dit toelaatbaar om te skryf of notas te maak nie. Enige oortreding van hierdie reël sal as 'n onreëlmatigheid beskou word. |
| 7.4 |
Kandidate moet ophou skryf op die tyd wat op die eksamenrooster aangedui word. |
| 8. |
Verteenwoordigers van WKOD, Umalusi en die Departement van Basiese Onderwys sal die eksamenprosesse by die eksamensentrums moniteer. |
| 9. |
Prinsipale word versoek om alle roosterbotsings aan die WKOD te rapporteer. Sulke verslae moet skriftelik ingedien word teen Vrydag, 25 May 2012 by die volgende adres:
Hoof: Onderwys
Vir aandag: Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
KAAPSTAD
8000
Faksno. : 021 467 9370 / 086 6165 701
E-posadres: tebo.magwaca@pgwc.gov.za
|
| 10. |
Prinsipale moet alle kandidate wat die Nasionale Senior Sertifikaat-eksamen skryf inlig dat hulle hulle skooldrag moet dra vir elke eksamensessie, en dat hulle beskikbaar moet wees tot op die laaste dag van die skoolkwartaal (7 Desember 2012), indien dit om enige rede nodig sou wees om 'n bepaalde vraestel te herskeduleer. |
GETEKEN: PENNY VINJEVOLD
HOOF: ONDERWYS
DATUM: 2012:05:18
|
 |