| 1. |
Die Departement van Basiese Onderwys (DBO) is besorg oor die geloofwaardigheid van punte wat voortkom uit skoolgebaseerde assessering van Lewensoriëntering en het ‘n algemene assesseringstaak (AAT) vir Lewensoriëntering vir 2012 voorgestel. |
| 2. |
Die voorgestelde datum vir die afneem van die AAT is 7 September 2012. |
| 3. |
Die DBO het ‘n voorbeeld en assesseringsriglyn verskaf wat die omvang en dekking van die AAT bepaal. Die voorbeeld en assesseringsriglyn is aangeheg as Bylae A. |
| 4. |
Die AAT sal ‘n nasionale standaard stel vir Lewensoriëntering en sal daartoe bydra dat punte vir Lewensoriëntering geldig en betroubaar is. |
| 5. |
Die DBO is besig om die Lewensoriënteringsbeleid te wysig om hierdie eksterne komponent in die toekoms in te sluit. |
| 6. |
Die loods-AAT sal aan skole uitgedeel word in September 2012 en skole word versoek om hierdie assessering te gebruik om standaard vas te stel. Skole wat hierdie assessering op 7 September 2012 wil aflê mag die taak ook insluit as deel van hulle skoolgebaseerde assessering. |
| 7. |
Prinsipale word vriendelik versoek om hierdie inligting onder die aandag van alle Lewensoriënteringkandidate en -onderwysers te bring. |
GETEKEN: PENNY VINJEVOLD
HOOF: ONDERWYS
DATUM: 2012:05:02
|
 |