1. Op 2 September 2011 het die nasionale Departement van Basiese Onderwys (DBO) die koerant No. 34600 gepubliseer. Hierdie uitgawe het aangekondig dat die Nasionale Kurrikulumverklaring (NKV) vir graad R tot 12 uit die volgende dokumente bestaan:

  1. Die Kurrikulum- en Assesseringsbeleidsverklarings (KABVs) vir alle goedgekeurde vakke vir graad R – 12

  2. Die Nasionale beleid betreffende die program- en bevorderingsvereistes van die Nasionale Kurrikulumverklaring graad R – 12

  3. Die Nasionale Protokol vir Assessering

Ingevolge die bogenoemde Staatskoerant moet die nuwe beleid geïmplementeer word in die Grondslagfase vanaf Januarie 2012, in die Intermediêre Fase vanaf Januarie 2013 en in die Senior Fase vanaf Januarie 2014.
2. Hierdie minuut dien as ‘n eerste amptelike kennisgewing om die Wes-Kaap Onderwysdepartement se skole en onderwysdistrikskantore oor die provinsiale bekendstellingsprogram vir die NKV graad R tot 12 (KABV) in die Intermediêre Fase in te lig.

3. Skole en distrikskantore word vriendelik versoek om die datums op die bekendstellingsprogram hieronder te bespreek vir die doeleindes soos aangedui.

Teikengroep Datums (2012) Doel
Kurrikulumadviseurs in die Provinsiale Opleidingspan (POS) Wo. 9 tot Vr. 11 Mei Oriëntering t.o.v. veranderings in die NKV graad R tot 12 (KABV) handleidings vir die Intermediêre Fase
Alle ander beamptes verantwoordelik vir die Intermediêre Fase (distriksbeamptes en kurrikulumadviseurs nie in die POS, ingesluit), kringspanbestuurders en Hoofde: IBB-koördinering en –advies Binne die periode: Dins 15 tot Don 31 Mei Opleiding in die NKV graad R tot 12 (KABV) vir Intermediêre Fase implementering in 2013
Intermediêre Fase (Leieronderwysers gekies deur onderwysdistriksbeamptes) Vr. 8 tot Son 10 Junie Hoofkantoor en distrikskantoorbeamptes rus leieronderwysers toe om onderwysers in die NKV-grade R tot 12 (KABV) te oriënteer.
Alle onderwysers van graad 4 tot 6 klasse Ma. 9 tot Wo 11 Julie Kringgebaseerde opleiding in Intermediêre Fase NKV graad R tot 12 (KABV)
Alle prinsipale van skole met Intermediêre Fase-grade Don 12 Julie Distrik- en kringgebaseerde oriëntering in Intermediêre Fase NKV graad R tot 12 (KABV)

4. Alle onderwysers, skoolbestuurspanne en betrokke beamptes
4.1 moet in staat wees om vanaf 2013 die implementering van die NKV (KABV) in die Intermediêre Fase in te lei en/of te ondersteun; en
4.2 moet die 2012 NKV (KABV)-oriëntering bywoon en seker maak dat hulle beplanning vir 2013 ooreenstem met die KABV.

5. Verdere inligting oor logistieke sake sal verskaf word nader aan die bogenoemde datums.

6. Oriëntering van onderwysers
6.1 Registrasie: Skole moet Intermediêre Fase onderwyserbywoning op Bylae A registreer. Logistiese beplanning sal ooreenkomstig hierdie inligting gedoen word. Voltooi asseblief die vorm ten volle en stuur terug nie later nie as 16 April 2012 aan die distrikskoördineerder AOO. (Sien besonderhede op Bylae A.)
6.2 Lokale: Elke onderwysdistrikskantoor sal opleidingslokale per kring reël. Distrikskantore sal elke skool verwittig van sy opleidingslokaal.
6.3 Reis:‘n Reistoelaag kan geëis word op die volgende voorwaardes:
6.3.1 Volle werkswinkelbywoning moet bevestig word.
6.3.2 Ten minste 20 km per retoerrit moet gereis word per dag (openbare en privaatvervoer)
6.3.3 Die eis moet nie 180 km per retoerrit per dag oorskry nie. Onderwysers wat meer as 140 km per retoerrit per dag moet reis, mag vir akkommodasie registreer. (Sien Bylae A).

Eise sal geassesseer word ooreenkomstig die volgende kriteria:

Gebruik van eie motor Onderwysers moet so ver as moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word.
‘n Standaardtarief van R2,00 per km sal betaal word. Enjinkapasiteit is nie van toepassing nie.
Gebruik van gedeelde vervoer in ‘n privaat voertuig Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word.‘n Standaardtarief van R2,00 per km sal betaal word. Enjinkapasiteit is nie van toepassing nie.
Die gebruik van gedeelde vervoer in ‘n bus of minibus van die skool Die skool mag óf sy eie bus gebruik en vir kilometers afgelê ‘n eis instel óf ‘n voertuig huur volgens die goedkoopste kwotasie en die kontrakteur betaal. Kwotasies moet voorgelê word aan die distrikskoördineerder AOO en moet goedgekeur word voor ‘n kontrak aangegaan word. In die geval dat ‘n voertuig gehuur word, sal die WKOD die skool vergoed by ontvangs van getekende dokumente. Onderwysers moet reël dat die groep op ‘n sentrale punt opgelaai word.
Gebruik van openbare vervoer soos minibus, taxi, bus, trein, taxi’s met meters uitgesluit Eise moet die begin- en eindpunt van elke been van die reis aandui. Vergoeding sal plaasvind ooreenkomstig die standaardtariewe. Bewyse (kaartjies) kan versoek word deur die eisebeampte om die eis geldig te maak.
6.4 Akkommodasie en maaltye: Akkommodasie en maaltye (aandete en ontbyt) sal slegs op die volgende basis verskaf word:
6.4.1 Die afstand na die opleidingslokaal moet meer as 140 km retoerrit per dag wees.
6.4.2 Volledige bywoning van die opleidingskursus moet bevestig word.
6.4.3 Aankoms en registrasie vind plaas op Sondag, 8 Julie 2012, tensy anders gespesifiseer deur die distrikskoördineerder vir AOO.
6.4.4 'n Geskrewe aansoek om akkommodasie word voorgelê aan die distrikskoördineerder AOO.
6.4.5 Die aansoek word skriftelik deur die distrikskoördineerder vir AOO goedgekeur.

Goedkeuring van die aansoek om akkommodasie moet verkry word (op skrif) van die distrikskoördineerder AOO teen 15 Junie 2012. Onderwysers wat vir akkommodasie kwalifiseer, is daarvoor verantwoordelik om te verseker dat hulle hierdie geskrewe goedkeuring verkry voor hulle bespreek. Geen eis sal betaal word sonder hierdie vooraf goedkeuring van die distrikskoördineerder AOO nie.

Soorte akkommodasie wat vir terugbetaling kwalifiseer:

Koshuisakkommodasie Skoolkoshuis-akkommodasie, gratis vir onderwysers. Doen asseblief navraag by die AOO-koördineerder of hierdie opsie beskikbaar is. Indien beskikbaar, moet onderwysers akkommodasie bespreek deur die aangehegte registrasiestrokie (Bylae A) teen die keerdatum in te vul en terug te stuur. Koshuisakkommodasie sal geskied d.m.v. gedeelde kamers en onderwysers moet hulle eie beddegoed, handdoeke en toiletware saambring.
Geregistreerde gasvryheidsinrigtings, soos bv. bed-en-ontbyt-gastehuise, hotel Die volgende voorwaardes sal van toepassing wees:
Onderwysers moet die aangehegte registrasiestrokie (Bylae A) voltooi en terugstuur voor die keerdatum.
‘n Maksimum van R250 per dag mag geëis word vir aandete, bed en ontbyt.
‘n Oorspronklike faktuur van die instelling moet medeonderteken word deur die eiser en voorgelê word by die opleidingskursus.
Familie- of privaatakkommodasie Die volgende voorwaardes sal van toepassing wees:
Onderwysers moet die aangehegte registrasiestrokie (Bylae A) voltooi en terugstuur voor die keerdatum.
‘n Maksimum van R130 per dag mag geëis word vir aandete, bed en ontbyt.
Hierdie eis moet vergesel word van ‘n beëdigde verklaring van die familielid of persoon wat die akkommodasie verskaf het, medeonderteken word deur die eiser en by die opleidingskursus ingelewer word.

7. Oriëntering van prinsipale en adjunk-prinsipale:
7.1 Prinsipale van skole met Intermediêre Fase grade moet ‘n eendaagse oriënteringswerkswinkel oor die NKV graad R – 12 (KABV) bywoon. Al daardie adjunk-prinsipale wat verantwoordelik is vir die Intermediêre Fase-grade moet dit ook saam met hulle prinsipaal bywoon. Hierdie werkswinkel sal plaasvind op Donderdag, 12 Julie 2012 en sal stiptelik om 08:00 begin en om 16:30 eindig.
7.2 Prinsipale en adjunk-prinsipale (Intermediêre Fase) moet vir bywoning op Bylae B registreer en logistieke beplanning word ooreenkomstig hierdie inligting gedoen. Voltooi asseblief die vorm ten volle en stuur terug nie later nie as 16 April 2012 aan die distrikskoördineerder AOO.
7.3 Reis: Die bepalings en voorwaardes soos uiteengesit hierbo, sal van toepassing wees.
7.4 Akkommodasie en maaltye: Waar moontlik sal skoolkoshuis-verblyf verkry word. Waar dit nie moontlik is nie, sal die bepalings en voorwaardes soos uiteengesit hierbo, van toepassing wees.

8. Skoolhoofde en distriksdirekteurs word vriendelik versoek om die inhoud van hierdie omsendbrief onder die aandag van alle personeel te bring.


GETEKEN: PA VINJEVOLD
HOOF: ONDERWYS
DATUM: 2012:03:22

"Government Gazette No. 34600"  (grootte: 115 KB)
Bylae A: Registrasie vir Intermediêre Fase NSS Graad R-12 (KABV) Oriënteringswerkswinkel vir Onderwysers  (grootte: 15 KB)
Bylae B: Reigstrasie vir Intermediêre Fase KABV-oriënterings-werkswinkel vir Prinsipale en Adjunk-prinsipale  (grootte: 15 KB)