| 2. |
Amaziko emfundo alinikwa inani lezithuba abelwe zona ezivunyiweyo (approved staff establishments) zango-2011 kwezi Setyhula Circular 0033/2010 and Circular 0034/2010, lo gama inkqubo yokufakwa ezithubeni kootitshala abangaphezu kwemfuneko yayazisiwe ngeSetyhula 0224/2003. |
| 3. |
ISebe leMfundo esiSiseko kuzwelonke lifuna ukuba kufakwe kuqala ootitshala abanebhasari yeFunza Lushaka nabo bangaphezu kwemfuneko ezithubeni zootitshala ezivunywe ngokusemthethweni ezingenamntu (vacant substantive educator posts) phambi kokuba kuthathelwe ingqalelo ukugaywa kwabanye ootitshala abafanelekileyo abangaqeshwanga. |
| 4. |
Ukwenzela ukuba kuqinisekiswe ukuba kukhethwa kuqala ootitshala abanebhasari yeFunza Lushaka nabo bangaphezu kwemfuneko kwizithuba ezivunywe ngokusemthethweni ezingenamntu, kuza kusebenza la manyathelo alandelayo ukususela nge-1 Apreli 2011: |
| 4.1 |
Amagunya adluliswayo (delegation) okuvuma ukuqeshwa kootitshala ngemvumelwano ithuba eliqingqiweyo aza kuthweswa abaphathi beekomiti zeesekethe abaqeshwe liSebe iWCED. Abaphathi beekomiti zeesekethe banokuvuma ukuqeshwa kootitshala ngemvumelwano kuphela okwelo thuba liqingqiweyo kwizikolo eziphantsi kwabo. |
| 4.2 |
Ukuzaliswa kwazo zonke iZithuba zeNqanaba 1 kuxhomekeke ke ngoko ekuvunyweni kwazo kwangaphambili ngumphathi wekomiti yesekethe isikolo eso esiphantsi kwakhe. Oku kukwathetha ukuba amagama atyunjiweyo ootitshala abaza ukuqeshwa ngemvumelwano kufuneka ukususela nge-1 Apreli 2011 angeniswe kumphathi wekomiti yesekethe, kungabi kwaNdlunkulu weSebe iWCED. |
| 4.3 |
Makukhethwe kuqala ukusiwa kootitshala abangaphezu kwemfuneko kwezinye izikolo (redeployment of educators in excess) kunye/okanye ukufakwa ezithubeni kwabo banebhasari yeFunza Lushaka xa kuzaliswa iZithuba zeNqanaba 1 ngemvumelwano yaye phambi kokuba ezo zithuba zipapashwe njengezithuba ezingenabantu kwizintlu zezithuba zesebe. Ngokumalunga noku, kuya kufuneka kwakhona ukuba iintloko zamaziko emfundo zibhalise izithuba ezingenamntu nezithuba eziza kungabi namntu kumphathi wekomiti yesekethe wazo kusekwangoko kakhulu (at the earliest opportunity). |
| 4.4 |
Abanye ootitshala abaqeqeshwe ngokufanelekileyo abangaqeshwanga, banokuqwalaselelwa ukuqeshwa kwisithuba esivunywe ngokusemthethweni esingenamntu kuphela xa bengekho ootitshala abaqeqeshwe ngokufanelekileyo abangaphezu kwemfuneko kunye/okanye abanebhasari yeFunza Lushaka. |
| 4.5 |
Apho abaphathi beekomiti zeesekethe neentloko zamaziko emfundo bengenako ukuzalisa isithuba ngotitshala ongaphezu kwemfuneko okanye onebhasari yeFunza Lushaka, umphathi wekomiti yesekethe unokukuvuma ukuqeshwa kukatitshala ongaqeshwanga kwisithuba esivunywe ngokusemthethweni esingenamntu. Kwiimeko ezilolu hlobo umphathi wekomiti yesekethe makangqinisise ukuba akukho titshala ungaphezu kwemfuneko okanye unebhasari yeFunza Lushaka okhoyo onokuqeshwa. |
| 4.6 |
Abaphathi beekomiti zeesekethe banako nokuvuma ukutshintshelwa kwezinye izikolo (kungakhange kuthunyelwe sicelo kwaNdlunkulu sokucela ukutshintshwa) kwiimeko apho ukutshintshelwa kwesinye isikolo kuya kukhuthaza inkqubo yokusiwa kwezinye izikolo (redeployment), oko kuthi, apho utshintsho olo luya kuba nesiphumo sokusiwa kwesinye isikolo kukatitshala ongaphezu kwemfuneko kwisithuba sengqesho esivunywe ngokusemthethweni esingenamntu. Lo mqathango ukwasebenza nakwiimeko zokufakwa ezithubeni kootitshala abanebhasari yeFunza Lushaka apho ukutshintshelwa kwabo kwezinye izikolo kuya kwenza utitshala onebhasari yeFunza Lushaka aqeshwe kwisithuba esingenamntu esivuleke ngenxa yotshintsho. |
| 5. |
Iya kuthakazelelwa intsebenziswano yenu malunga noku. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:03:28
|
 |