| 1. |
Iimviwo zeSatifikethi SeMatriki sikaZwelonke (NSC) ziya kuqhutywa ngo-Oktobha - Disemba 2011 kubaviwa abafanele ukuchophela iimviwo ngokwale migaqo efakelwe izilungiso Regulations pertaining to the Conducting, Administration and Management of Assessment for the National Senior Certificate. |
| 2. |
Le thayimthebhile ingqinwe yiKomiti yeeNtloko zamaSebe eMfundo (Heads of Education Departments Committee) yaze yavunywa liBhunga laBaphathiswa bezeMfundo (Council of Education Ministers). |
| 4. |
Kucelwa uqaphele le mihla yeemviwo zeNSC kula maphepha alandelayo:
- Computer Applications Technology, Paper 1 (Practical) - 17 Oktobha 2011
- Information Technology, Paper 1 (Practical) - 18 Oktobha 2011
|
| 5. |
Iiklasi eziqhelekileyo maziqhubeke de kube ngowe-14 Oktobha 2011, ukwenzela ukuba kuqhubeke ukufundiswa kangangoko kunokwenzeka. Iintloko zezikolo zingakhetha ukubavumela abafundi beBakala 12 baka-2011 ukuba bafundele ekhaya ukususela nge-17 Oktobha 2011 ukwenzela ukuba balungiselele iimviwo zeNSC. |
| 6. |
Iimviwo ikakhulu ziqala nge-24 Oktobha 2011 zize ziphele nge-1 Disemba 2011. |
| 7. |
Zimbini iiseshoni ezicwangciselwe usuku ngalunye. Iiseshoni zakusasa ziya kuqala ngo-09:00 zize ezasemva kwemini ziqale ngo-14:00. |
| 8. |
Ngokumalunga nokuvunyelwa kwabaviwa bangene kwigumbi loviwo, abagadi babaviwa mabaqinisekise ukuba ngamnye umviwa ubonisa ileta yakhe yokuvunyelwa ukungena kwakunye nesazisi sakhe. Abagadi babaviwa mabawunyanzelise ngokungqongqo lo mqathango oyimfuneko wokuvunyelwa kwigumbi loviwo. Nakuba kunjalo, umviwa ongaphumeleliyo ukuveza uxwebhu oluyimfuneko (amaxwebhu ayimfuneko) okungena kwigumbi loviwo makangathintelwa ukuba abhale olo viwo luthile. Umviwa ochaphazelekayo makaveze uxwebhu olufunekayo (amaxwebhu afunekayo) ngosuku olulandelayo. Ukuba loo mviwa akaphumeleli ukuveza uxwebhu olungekhoyo olufunekayo (amaxwebhu angekhoyo afunekayo) ngosuku olulandelayo, oko makwaziswe njengesitenxo ze kulandelwe inkqubo ephathelele kwizitenxo.
|
| 9. |
Makaqinisekise umgadi wabaviwa oyintloko ukuba abaviwa bangena kwiziko lokubhalela uviwo kwimizuzu eyi-35 phambi kwexesha lokuqalisa uviwo elisemthethweni leseshoni yoviwo. Eli xesha longezelelweyo liya kusetyenziswa ngolu hlobo lulandelayo: |
| 9.1 |
Imizuzu eyi-25 yokuqala mayisetyenziselwe ukuhlalisa abaviwa kwiindawo ezichanekileyo, ukukhupha amaphepha emibuzo, ukuqokelela iiselula njl. njl. |
| 9.2 |
Kwimizuzu eyi-10 eseleyo abaviwa mabanikwe ithuba lokufunda lonke iphepha lemibuzo. |
| 9.3 |
Ukubhala okanye ukwenza iinowuthsi akuvumelekanga ngalo naliphi na ixesha kwithuba lemizuzu engama-35. Nakuphi na ukophulwa kwalo mthetho kuya kuthathwa njengesitenxo (irregularity).
|
| 10. |
Abameli abavela kwiSebe leMfundo leNtshona Koloni (WCED), u-UMalusi kunye neSebe leMfundo esiSiseko baya kuzibeka esweni iinkqubo zeemviwo kumaziko okubhalela iimviwo |
| 11. |
Kucelwa iinqununu nabaphathi bamaziko baxele onke amaxesha angqubanayo kwithayimthebhile (clashes) kwiSebe iWCED. Ezo ngxelo mazingeniswe ngeleta ebhaliweyo ungadlulanga uLwesihlanu, we-18 Apreli 2011 kule dilesi ilandelayo:
| |
Head: Education
Attention: Mr TJ Magwaca (Room 5-27)
Western Cape Education Department
Private Bag X9114
Cape Town
8000
Ifeksi: 021 461 5637 / 086 6165 701
Idilesi ye-imeyili: tmagwaca@pgwc.gov.za |
|
| 12. |
Kufuneka iinqununu zazise bonke abaviwa ababhala iimviwo zeSatifikethi seMatriki sikaZwelonke ukuba mabanxibe iyunifom yesikolo sabo xa bebhala uviwo ngalunye, nokuba mabasoloko befumaneka kude kube lusuku lokugqibela lwekota yesikolo (09 Disemba 2011), ukwenzela ukuba xa kuthe kwakho imfuneko, ngenxa yaso nasiphi na isizathu, kulungiselelwe elinye ixesha lokubhalwa kwephepha loviwo elithile. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:03:28
|
 |