| 1. |
Oku kubhekiselele kwiGMT Circular U2 20/2008, yomhla we-27 Oktobha 2008, ecacisa ukuba isebe le-Government Motor Transport sekumbovu ukuba liqalise ngokufumana iinkcukacha ezibanzi zabaqhubi bezithuthi zikarhulumente. Oku kukulungiselela injongo yokukhutshwa kwezithuthi zeGG, ukuthumela imbalelwano ngqo kwabo baphule imithetho yendlela nokuqalisa iziko ledatha yabaqhubi kwiFleetman. |
| 2. |
Isistim iFleetman esebenza ngekhompyutha ayisayi kuvumela magosa ezothutho ukuba akhuphe izithuthi zinikwe abaqhubi abangabhaliswanga kwisistim le. |
| 3. |
Umthetho omtsha i-Administrative Adjudication of Road Traffic Offences Act ubeka uxanduva kubasebenzi abajongene nokusetyenziswa kwezithuthi ezigcinwe ndaweninye (vehicle fleet operators) ukuba bafumane iinkcukacha ezichanekileyo zabaqhubi, ngokukodwa malunga nokuqaliswa kwenkqubo entsha yokuxhuzulelwa amanqaku (new de-merit system), ejoliswe kubaqhubi abaphula umthetho wendlela. Inkqubo yokuxhuzulelwa amanqaku ngokuphula umthetho wendlela inika umqhubi ngamnye, umzekelo, amanqaku ali-10 ekuqaleni kwethuba elithile kuze kuxhuzulwe amanqaku ngesenzo ngasinye sokwaphula umthetho. Oku kungakhokelela ekugqibeleni ekurhoxisweni okanye ekucinyweni ezincwadini kwelayisensi yokuqhuba. |
| 4. |
Ngako oko ke ziyacelwa iintloko zee-ofisi nezamacandelo ukuba ziqinisekise ukuba onke amagosa asebenzisa izithuthi zikarhulumente azalisa ifom yokungqinisisa iziko ledatha labaqhubi eqhotyoshelweyo zize ziyithumele, kunye namaxwebhu aceliweyo kwifom, kwaNdlunkulu weSebe iWCED (For attention: Mr J.G. Heath, Room 609).
|
| 5. |
Kuphela ziifoto zesazisi ezinombala nelayisensi yomqhubi kunye nobungqina bedilesi yasekhaya, ezamkelekileyo. |
| 6. |
Umhla obekiweyo wokungeniswa kweefom zokungqinisisa iziko ledatha yabaqhubi yi-30 Novemba 2011. |
| 7. |
Amagosa angazingenisanga iifom zawo okanye angabhalisanga kwiFleetman akasayi kukhutshelwa zithuthi zeGG. |
| 8. |
Ukufumana ingcaciso engaphezulu, ungaqhagamshelana nalo naliphi na elinye lala magosa alandelayo:
| Mnu C. Barron |
Ifoni: 021 467 2789 |
| Mnu J.G. Heath |
Ifoni: 021 467 2797 |
| Mnu M.B. Noboza |
Ifoni: 021 467 2791 |
| Nks E. Santo |
Ifoni: 021 467 2339 |
|
| 9. |
Iya kuthakazelelwa kakhulu intsebenziswano yakho malunga noku.
|
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:11:09
|
 |