1. Ngo-1999, iKhabhinethi yePhondo yavuma ukuphunyezwa kwemilinganiselo yokuqeshwa kwabasebenzi benkonzo karhulumente kwizikolo zikarhulumente eziqhelekileyo eNtshona Koloni. KwiNgcaciso eMfutshane 0017 ka-2005, iSebe lazisa iinqununu zezikolo ukuba, ngenxa yeengxaki zebhajethi, iSebe leMfundo leNtshona Koloni (iSebe iWCED) lalingenakubonelela ngemivuzo encomekayo. Elona nani liphezulu elabelwe izikolo labasebenzi abanika inkxaso ezikolweni ngelo xesha yayingoomabhalane aba-2, iforimani eyi-1 nabancedisi aba -4.
2. Iye yahlaziywa imimiselo nemigangatho yabasebenzi abanika inkxaso ezikolweni zikarhulumente eziqhelekileyo ngo-2011 njengoko inani labasebenzi abanika inkxaso ezikolweni kwezinye izikolo lingazange litshintshwe iminyaka eliqela, nangona enyukile amanani obhaliso lwabafundi. Olu hlaziyo lwakutshanje lusekelwe kwiimali eziye zafunyanwa liSebe iWCED nakubhaliso ezikolweni.
3. Seyivunyiwe njengangoku le mimiselo nemigangatho ilandelayo yabasebenzi abanika inkxaso ezikolweni zikarhulumente eziqhelekileyo:

abafundi abayi-0 kuye ku-200: Izikolo zifumana inkxaso-mali
abafundi abayi-201 kuye ku-400: 1 uMabhalane, 1 iForimani, 1 uMncedisi
abafundi abayi-401 kuye ku-800: 1 uMabhalane, 1 iForimani, 2 aBancedisi
abafundi abayi-801 kuye ku-1200: 2 ooMabhalane, 1 iForimani, 2 aBancedisi
abafundi abayi-1201 nangaphezulu: 2 ooMabhalane, 1 iForimani, 3 aBancedisi
4. ISebe leMfundo liya kuyiphumeza le mimiselo nemigangatho mitsha ngokwezigaba ngezigaba lize lijongisise kwakhona izithuba ezabelwa izikolo qho ngonyaka. Amanani amatsha abasebenzi ababelwa izikolo aya kusekelwa kule mimiselo nemigangatho engasentla yaye aya kwenziwa ngezigaba ngezigaba ngolu hlobo lulandelayo:

Isigaba 1: Ukwabelwa isithuba sikamabhalane, seforimani nomncedisi kwizikolo apho kungekho sithuba somncedisi sikhoyo njengangoku

(Oku kuya kuqinisekisa ukuba amaziko emfundo anaso isithuba somncedisi omnye ubuncinane. Kuya kuqaliswa kwakhona inkqubo yokumatanisa kuze kufakwe ezithubeni (matching and placing) abaqeshwa abangakhange bathathwe kule nkqubo yemimiselo nemigangatho mitsha.)

Isigaba 2: Ukwabelwa isithuba somncedisi sesibini nesesithathu ngokwemimiselo nemigangatho zisabelwa izikolo ezizifaneleyo izithuba ezilolu hlobo.

Bonke abaqeshwa abangathathwanga kwinkqubo yokumatanisa kuze kufakwe ezithubeni abaqeshwa yeSigaba 2 neSigaba 3 baya kuvakaliswa njengabaqeshwa abangaphezu kwemfuneko. Kucelwa nincede nithathele ingqalelo abaqeshwa abangaphezu kwemfuneko xa kuye kwakho izithuba ezingenabantu.



ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:10:11