| 1. |
ISebe leNkonzo kaRhulumente noLawulo liqaphele imfuneko yokwenziwa zibe kumgangatho ofanayo iinkqubo zikarhulumente zolawulo nophuhliso lwabasebenzi, kwakunye nolawulo lwedatha enxulumene nezolawulo, ngokuthi kuqaliswe inkqubo ebizwa ngokuba yi-HR Connect. Injongo ye-HR Connect kukuxhasa amasebe ekuphuculeni iinkonzo zawo azenzela uluntu. |
| 2. |
I-HR Connect ichaza ize iqokelele ingcaciso ngezakhono ngokuthi inike iprofayili yamakhondo emisebenzi efanayo kwi-odithi yezakhono. I-HR Connect iya kuthi, ke ngoko, incedise iSebe leMfundo leNtshona Koloni (iSebe liWCED) ekujongisiseni izakhono ezingekhoyo (skills gap) kwiimfuno zezakhono zeSebe iWCED (ulwazi lomsebenzi neziphumo ezifunekayo (competencies and outputs)) kunye namanqanaba ezakhono abaqeshwa balo. ISebe iWCED liya kuthi emva koko likwazi
- ukujongisisa izakhono ezifunwa liSebe iWCED (iprofayili yezakhono zeziko lomsebenzi); yaye
- ukuqaphela imisebenzi engafani konke neminye (unique) (imisebenzi yecandelo) kunye nemisebenzi efanayo (yenkonzo karhulumente), lize lenze iprofayili yomsebenzi yesithuba ngasinye.
|
| 3. |
Bonke abaqeshwa beSebe iWCED kuya kuneka bazalise ikhweshine ye-odithi yezakhono (skills audit questionnaire) ukufumana iprofayili yezakhono zomntu ngamnye. Ngokuzalisa le khweshine, iSebe iWCED liya kuba nako ukumisela amanqanaba ezakhono zomqeshwa ngamnye. |
| 4. |
Iya kuthi, ke ngoko, i-HR Connect, inike iiprofayili zomsebenzi ezicaciswe kakuhle zesithuba ngasinye, neziya kuthi kwakhona zinike ingcaciso malunga neemvumelwano zentsebenzo, iinkqubo zokuvavanya intsebenzo kunye nezicwangciso zophuhliso ezinxulumene nokuh, upapasho lwezithuba ezitsha ezinxulumene noku, kunye namakhondo omsebenzi (career paths).
|
| 5. |
Iiseshoni zokunika ingcaciso kubaphathi bamacandelo ziya kubanjelwa kwii-ofisi zezithili zemfundo ukususela nge-11 kuye kwi-15 Julayi 2011. Ezi seshoni ziya kucacisa okuqulathwe yikhweshine ye-odithi yezakhono nendlela ekufuneka izaliswe ngayo. |
| 6. |
Impumelelo yeprojekthi i-HR Connect iya kuxhomekela kuthatho-nxaxheba lwabo bonke abaqeshwa beSebe iWCED. Kuya kufuneka kwakhona abaqeshwa bazalise iprofayili yomsebenzi yesithuba ngasinye. Njengoko amasebe ahlukeneyo esebenzisa iitayitile zezithuba zemisebenzi ezingafaniyo kwimisebenzi efanayo nolwazi lomsebenzi olufanayo, iitayitile zezikhundla ezithile ziya kutshintsha zize zenziwe zingqinelane neetayitile zemisebenzi efanayo yephondo (provincial generic job titles). Ezi tayitile zemisebenzi efanayo ziya kuthi, kwixesha elizayo, zisebenze kuwo onke amasebe kwiphondo xa kudalwa izithuba naza zipapashwa. Ukungqinelaniswa kweetayitile zomsebenzi akusayi kuthi nangayiphi na indlela kuchaphazele isikhundla somvuzo akuso umqeshwa njengangoku okanye iimeko zengqesho yakhe. |
| 7. |
Iikhweshine ze-odithi yezakhono ziya kuthunyelwa kumqeshwa ngamnye ukuqalela kwi-15 Julayi 2011. Iikhweshine ezizalisiweyo zamaziko emfundo mazibuyiselwe kwii-ofisi zezithili zemfundo ezichaphazelekayo ungadlulanga owe-1 Septemba 2011. Iikhweshine ezizalisiweyo ezivela kumaziko emfundo nezo zizaliswe ngabasebenzi bee-ofisi zezithili zemfundo ziya kuqokelelwa kwii-ofisi zezithili zemfundo ukususela nge-2 Septemba 2011 ukuya phambili. Iikhweshine ezizaliswe kwaNdlunkulu mazingeniswe kwiCandelo lezoLawulo lwaBasebenzi ungadlulanga owe-26 Agasti 2011. Ingcaciso ekwikhweshine efunyenweyo iya kuthi emva koko i-odithwe ukwenzela ukunika iprofayili ye-odithi yezakhono zomqeshwa ngamnye. |
| 8. |
Olunye unxibelelwano lokucacisela abaphathi neesuphavayiza luya kukhutshwa liCandelo loLawulo lwaBasebenzi kungekudala. |
| 9. |
Iya kuthakazelelwa kakhulu intsebenziswano yakho malunga noku. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:07:11
|
 |