1. Die Nasionale Senior Sertifikaat (NSS)-eksamen sal afgeneem word in Oktober - Desember 2011 vir die kandidate wat kwalifiseer om die eksamen te skryf ooreenkomstig die gewysigde Regulasies met betrekking tot die Afneem, Administrasie en Bestuur van Assessering vir die Nasionale Senior Sertifikaat.

2. Hierdie rooster is geëndoseer deur Hoofde van die Onderwyskomitee en goedgekeur deur die Raad van Onderwysministers.

3. Ingesluit is 'n afskrif van die finale rooster vir die 2011 Nasionale Senior Sertifikaat-eksamen.
[The timetable attached is the Final version, updated as per ASSESSERINGSBESTUURSMINUUT: 0007/2011, Wednesday, 11 May, 2011]

4. Let asseblief op die NSS-eksamendatums vir die volgende vraestelle:

  • Rekenaartoepassingstegnologie Vraestel 1 (Prakties) - 17 Oktober 2011
  • Inligtingstegnologie, Vraestel 1 (Prakties) - 18 Oktober 2011
  • Rekenaartoepassingstegnologiem Vraestel 2 (Prakties) - 19 Oktober 2011
  • Inligtingstegnologie Vraestel 2 (Teorie) - 19 Oktober 2011
  • Rekenaartoepassingstegnologie -spoedtoets (Opsioneel) - 19 Oktober 2011
5. Normale klasse moet voortduur tot 14 Oktober 2011, om soveel onderrigtyd as moontlik te verseker. Prinsipale van skole mag kies om die graad 12-leerders van 2011 toe te laat om tuis te studeer vanaf 17 Oktober 2011 met die oog op voorbereiding vir die NSS-eksamen.

6. Die hoofeksamen begin op 24 Oktober 2011 en eindig op 1 Desember 2011.

7. Twee eksamensessies is vir elke dag geskeduleer. Die oggendsessie sal om 09:00 begin en die middagsessie om 14:00.

8. Ten opsigte van die toelating van kandidate tot die eksamenlokaal, moet toesighouers verseker dat elke kandidaat sy of haar toelatingsbrief en identiteitsdokument toon. Toesighouers moet hierdie toelatings-vereistes streng toepas. 'n Kandidaat wat nie die vereiste dokument(e) toon wanneer hy of sy die eksamenlokaal betree nie, moet egter nie verhinder word om daardie besondere eksamen te skryf nie. Die betrokke kandidaat moet die vereiste dokument(e) die volgende dag toon. Indien daardie kandidaat nalaat om dit te doen, moet 'n onreëlmatigheid verklaar word en die prosedure met betrekking tot onreëlmatighede moet gevolg word.

9. Die hoofopsiener moet verseker dat kandidate die eksamenlokaal 35 minute voor die amptelike eksamensessie se aanvangstyd binnegaan. Hierdie addisioneIe tyd moet as volg benut word:
9.1 Die eerste 25 minute moet aangewend word om die kandidate in hulle korrekte sitplekke te kry, die vraestelle uit te deel, selfone bymekaar te maak, ens.
9.2 Tydens die oorblywende 10 minute moet kandidate die geleentheid kry om die vraestel deur te lees.
9.3 Op geen stadium tydens hierdie 35 minute is dit toelaatbaar om te skryf of notas te maak nie. Enige oortreding van hierdie reël sal as 'n onreëlmatigheid beskou word.
9.4 Kandidate moet ophou skryf op die tyd wat op die eksamenrooster aangedui word.

10. Verteenwoordigers van WKOD, Umalusi en die Departement van Basiese Onderwys sal die eksamenprosesse by die eksamensentrums moniteer.

11. Prinsipale word versoek om alle roosterbotsings aan die WKOD te rapporteer. Sulke verslae moet skriftelik ingedien word teen Vrydag, 18 April 2011 by die volgende adres:

  Hoof: Onderwys
Vir aandag: Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
KAAPSTAD
8000
Faksno. : 021 461 5637 / 086 6165 701
E-posadres: tmagwaca@pgwc.gov.za/td>

12. Prinsipale moet alle kandidate wat die Nasionale Senior Sertifikaat-eksamen skryf inlig dat hulle hulle skooldrag moet dra vir elke eksamensessie, en dat hulle beskikbaar moet wees tot op die laaste dag van die skoolkwartaal (9 Desember 2011), indien dit om enige rede nodig sou wees om 'n bepaalde vraestel te herskeduleer.


GETEKEN: PA VINJEVOLD
HOOF: ONDERWYS
DATUM: 2011:03:28

Finale Eksamenrooster: 2011 Nasionale Senior Sertifikaat-eksamen  (grootte: 33 KB)