1. Die nuut-ontwikkelde Kurrikulum en Assesseringsbeleidsverklaring (KABV) sal ingefaseer word by alle grade oor die volgende 3 jaar, 2012 tot 2014.

2. Omsendbrief 0049/2010 van 9 Desember 2010 het die KABV-implementeringsplan vir die periode 2012 tot 2014 aan skole bekendgestel.

3. Om die bekendstelling van die KABV in alle grade te steun, sal die Wes-Kaap Onderwysdepartement (WKOD) alle leerders en onderwysers voorsien van KABV-verwante handboeke vir elke vak.

4. In 2012 sal die KABV ingefaseer word by graad 1, 2, 3 en 10. In 2011 sal die WKOD elke leerder in hierdie grade by gewone openbare skole voorsien van die volgende:

Graad 1, 2 en 3
4 handboeke per leerder - een vir elk van die volgende vakke:

  • Huistaal
  • Eerste Addisionele Taal
  • Wiskunde
  • Lewensvaardighede

Graad 10
7 handboeke per leerder - een handboek vir elk van die 7 vakke wat deur 'n graad 10-leerder geneem word

Onderwysergidse vir alle vakke
5. In 2013 sal die KABV ingefaseer word by graad 4 tot 9 en graad 11. In 2012 sal die WKOD elke leerder in hierdie grade by gewone openbare skole voorsien van die volgende:

Graad 4, 5 en 6
Ses handboeke per leerder - een vir elk van die volgende vakke:

  • Huistaal
  • Eerste Addisionele Taal
  • Wiskunde
  • Lewensvaardighede
  • Natuurwetenskappe en Tegnologie
  • Sosiale Wetenskappe

Graad 7, 8 en 9
Nege handboeke per leerder - een vir elk van die volgende vakke:

  • Huistaal
  • Eerste Addisionele Taal
  • Wiskunde
  • Natuurwetenskappe
  • Tegnologie
  • Sosiale Wetenskappe
  • Ekonomiese en Bestuurswetenskappe
  • Kreatiewe Kunste
  • Lewensoriëntering

Graad 11
Sewe handboeke per leerder - een handboek vir elk van die 7 vakke wat deur 'n graad 11-leerder geneem word
6. In 2014 sal die KABV ingefaseer word by graad 12. In 2013 sal die WKOD elke leerder in hierdie grade by gewone openbare skole van die volgende voorsien:

Graad 12
Sewe handboeke per leerder - een handboek vir elk van die 7 vakke wat deur 'n graad 12-leerder geneem word

7. Die bestelling van handboeke vir KABV sal sentraal deur die WKOD hanteer word.

8. Skole sal leerderinskrywingsgetalle per graad, vak en taal (HT en EAT) betyds moet verskaf en verifieer sodat bestellings akkuraat uitgevoer kan word.

9. Daar sal van skole verwag word om gebruik te maak van 'n doeltreffende handboekbestuurstelsel om te verseker dat die handboeke vir ten minste vier jaar behou kan word.

10. Bring asseblief die inhoud van hierdie omsendbrief onder die aandag van alle lede van u personeel.


GETEKEN: PA VINJEVOLD
HOOF: ONDERWYS
DATUM: 2011:03:25