| 1.1 |
Hierdie omsendbrief verduidelik die prosedure wat gevolg moet word wanneer vorderings- en bevorderingsappèlle behandel word. |
| 1.2 |
Ouers en voogde het die reg op appèl wanneer hulle ontevrede is met die vorderings- of bevorderingsuitslag van hulle kind, (Verwys na paragraaf 5 van Omsendbrief 0225/2003). |
| 1.3 |
Die bepaalde appèlprosedure is belangrik om deursigtige assesseringspraktyke op skool sowel as billikheid teenoor alle leerders en konsekwentheid in die hantering van appèlle in die provinsie te verseker. |
| 1.4 |
Prinsipale moet verseker dat alle ouers en voogde ingelig is aangaande die prosedure wat gevolg moet word wanneer vorderings- en bevorderingsappèlle aangeteken word. |
| 1.5 |
Wanneer die jaareindskedules onderteken word deur die distrik, moet prinsipale verseker dat bewys van leer beskikbaar is vir alle leerders wat nog nie reg is vir vordering of wat nie bevorder is nie. |
| 2. |
TYDRAAMWERK VIR DIE BESTUUR VAN APPÈLLE |
| 2.1 |
'n Ouer of voog kan skriftelik by die skoolhoof appèl aanteken teen die eerste Vrydag nadat die skole in Januarie heropen het. |
| 2.2 |
Die uitkoms van die appèl sal binne 5 dae na ontvangs van die appèl deur die prinsipaal aan die ouer of voog oorgedra word. |
| 2.3 |
Indien die ouer of voog nie tevrede is met die uitkoms van die appèl nie, mag hy of sy appèl aanteken by die distriksdirekteur binne 3 dae na ontvangs van die uitkoms van die appèl. |
| 3. |
BESTUUR VAN APPÈLLE OP SKOOLVLAK
Skoolhoofde moet:
|
| 3.1 |
'n appèlvorm (Bylae A) aan die ouers of voogde verskaf om te voltooi en seker maak dat die ouer of voog Deel 1 van die vorm invul. |
| 3.2 |
die nodige inligting van onderwysers se lêers, bewyse van leer, leerderprofiele en alle getuienis van intervensies versamel. (Hierdie inligting moet op lêer geplaas word en moet beskikbaar wees vir die appèlondersoekbeamptes); |
| 3.3 |
'n register van appèlle verskaf aan die kringspanbestuurder (KSB), om hom van die appèlle in te lig, teen die tweede Maandag van die eerste kwartaal; |
| 3.4 |
saam met die skoolbestuurspan al die getuienis heroorweeg, 'n besluit neem en geskrewe goedkeuring van die KSB verkry indien die vordering- of bevorderingsresultaat verander moet word; |
| 3.5 |
Deel 2 van die appèlvorm voltooi (Bylae A). Die voltooide vorm moet aan die ouer terugbesorg word en 'n kopie moet op lêer geplaas word. |
| 3.6 |
die uitkoms van die appèl moet binne 5 dae na ontvangs van die appèl deur die prinsipaal aan die ouer of voog oorgedra word; en |
| 3.7 |
al die ondersteunende dokumente wat in die appèlproses gebruik is bewaar vir 'n minimum tydperk van 3 maande. |
| 4. |
BESTUUR VAN APPÈLLE OP DISTRIKSVLAK |
| 4.1 |
Die kantoor van die onderwysdistriksdirekteur moet binne 3 dae vandat die appèl ontvang is, 'n brief aan die ouer of voog om ontvangs daarvan te erken, stuur. |
| 4.2 |
Die direkteur moet die appèl verwys na die assesseringskoordineerder en hom/haar versoek om 'n ondersoekspan saam te stel om die appèl te ondersoek. Indien die appèlle betrekking het op 'n vak of vakke, of op 'n leerder met spesiale behoeftes, moet die betrokke beampte(s) gekoöpteer word om met die ondersoek te help. |
| 4.3 |
Die assesseringskoördineerder moet 'n saaknommer toeken aan elke appèl wat aangeteken is en dit op die appèl databasis aanteken (Bylae B). |
| 4.4 |
Op grond van die ondersoek en bewyse ter motivering moet die assesseringskoördineerder 'n verslag skryf en aanbevelings maak (Bylae C) en Deel 3 van elke appèlvorm voltooi. |
| 4.5 |
Die assesseringskoördineerder moet die verslag voorlê aan die direkteur, wat Deel 4 van die appèlvorm moet voltooi. |
| 4.6 |
Die kantoor van die distriksdirekteur moet 'n brief skryf aan die skool en aan die ouer of voog, om hulle in te lig aangaande die uitslag van die appèl. Die besluit van die distriksdirekteur is finaal. |
| 4.7 |
Alle appèlle moet gefinaliseer wees teen 15 Februarie van elke jaar. |
| 4.8 |
Alle appèlgevalle wat die gevolg van eksamen- of assesseringsonreëlmatighede is, moet ter tafel gelê word voor 'n volle sitting van die distriksassesseringsonreëlmatighede-komitee (DAOK), wat 'n gepaste sanksie kan oplê. Indien die appèl die gevolg is van wangedrag, moet die saak verwys word na Arbeidsverhoudinge. |
| 4.9 |
Aangeheg by hierdie omsendbrief is 'n vloeidiagram (Bylae D) wat die prosedure vir die bestuur van vorderings- en bevorderingsappèlle op skool- en distriksvlak illustreer. |
| 5. |
Prinsipale word vriendelik versoek om die inhoud van hierdie omsendbrief onder die aandag van ouers en onderwysers te bring. |
GETEKEN: PA VINJEVOLD
HOOF: ONDERWYS
DATUM: 2011:11:28
|
 |