1. In 1999 het die Provinsiale Kabinet die implementering van personeelvoorsieningskale vir staatsdienspersoneel by gewone openbare skole in die Wes-Kaap goedgekeur. In Minuut 0017 van 2005 het die Departement skoolhoofde ingelig dat, as gevolg van begrotingsbeperkings die Wes-Kaap Onderwysdepartement (WKOD) nie in 'n posisie was om 'n gunstiger bedeling te verskaf nie. Die maksimum toekenning van ondersteuningspersoneel aan skole destyds was 2 administratiewe klerke, 1 algemene voorman en 4 algemene assistente.
2. Die norme en standaarde vir ondersteuningspersoneel te gewone openbare skole is in 2011 hersien aangesien sommige skole se ondersteunings-personeeldiensstate vir 'n paar jaar nie verander het nie, ten spyte van 'n toename in inskrywings. Hierdie onlangse hersiening is gebaseer op fondse beskikbaar aan die WKOD en op skoolinskrywingsgetalle.
3. Die volgende norme en standaarde vir ondersteuningspersoneel vir gewone openbare skole is nou goedgekeur:

0 tot 200 leerders: Skool ontvang subsidie
201 tot 400 leerders: 1 Admin. Klerk, 1 Voorman en 1 Algemene Assistent
401 tot 800 leerders: 1 Admin. Klerk, 1 Voorman en 2 Algemene Assistente
801 tot 1200 leerders: 2 Admin. Klerke, 1 Voorman en 2 Algemene Assistente
1201 of meer leerders: 2 Admin. Klerk, 1 Voorman en 3 Algemene Assistente
4. Die Departement sal 'n gefaseerde implementering volg van hierdie nuwe norme en standaarde en sal die skool se diensstate jaarliks hersien. Nuwe skole se personeeldiensstate sal op bogenoemde norme en standaarde gebaseer word. Nuwe skole se personeeldiensstate sal op bogenoemde norme en standaarde gebaseer word.

Fase 1: Toekenning van administrasieklerk-, algemenevoorman- en algemeneassistentposte by skole waar geen algemeneassistentpos tans bestaan nie

(Dit sal verseker dat onderwysinstellings 'n minimum van een algemeneassistentpos sal hê. Die passing en plasing sal ook 'n aanvang neem vir werknemers wat nie binne die nuwe norme en standaarde geakkommodeer kan word nie.)

Fase 2: Toekenning van 2de en 3de algemeneassistentposte ingevolge die nuwe norme en standaarde aan skole wat vir sodanige poste kwalifiseer

Alle werknemers wat nie gepas en geplaas kan word tydens Fase 1 of 2 nie, sal botallig verklaar word. U word vriendelik versoek om botallige personeel te oorweeg wanneer poste vakant raak.



GETEKEN: PA VINJEVOLD
HOOF: ONDERWYS
DATUM: 2011:10:11