1. Hierdie omsendbrief vervang Omsendbrief 0023/2009 geheel en al.

2. Artikel 45A van die Wes-Kaapse Provinsiale Wet op Skoolonderwys, 1997 (Wet 12 van 1997) bepaal dat, tensy deur die prinsipaal gemagtig vir wettige onderwysdoeleindes, geen persoon enige gevaarlike voorwerp, alkoholiese drank of onwettige dwelmmiddels op skoolgronde of na enige skoolaktiwiteit mag saambring nie.

3. Die aangehegte Riglyne vir willekeurige deursoeking en beslaglegging en toetsing vir alkoholiese drank en dwelms sit die prosesse en prosedures uiteen waarvolgens willekeurige deursoeking en beslaglegging en toetsing vir alkoholiese drank en onwettige dwelms deur prinsipale of hulle gedelegeerdes by skole uitgevoer moet word. Hierdie riglyne is bedoel om insidente van geweld en die gebruik van onwettige middels deur leerders te verminder en te beperk, en om 'n veilige skoolomgewing vir onderrig en leer vir almal te skep.

4. Om skole te help met die ontwikkeling en implementering van hulle eie beleid oor willekeurige ondersoek en beslaglegging op, en toetsing vir alkoholiese drank en onwettige middels, word die aangehegte riglyne vergesel van die volgende:

  • 'n Pro Forma-beleid oor willekeurige deursoeking en beslaglegging en toetsing vir alkoholiese drank en onwettige dwelmtoetsing vir skole. (Bylae A)
  • Veilige Skole Inbelsentrum se kontakbesonderhede en funksies (Bylae B)
  • Algemene inligting vir gebruik en om byderhand te hê wanneer u die Veilige Skole Inbelsentrum kontak (Bylae C).

Verder, sodra skole leerders geïdentifiseer het deur die toegelate prosedures te gebruik, mag hulle behoefte hê aan 'n meer uitgebreide reeks ondersteunings. In sulke gevalle kan die Departement van Maatskaplike Ontwikkeling gekontak word, deur die besonderhede in Bylae D te gebruik. Dit sal die proses vergemaklik indien dieselfde inligting wat in Bylae C gelys word beskikbaar is wanneer skole van die dienste van die Departement van Maatskaplike Dienste gebruik maak.

5. Die inhoud van hierdie riglyne moet onder die aandag van onderwysers, nie-onderwyspersoneel, ouers, leerders en lede van die betrokke gemeenskap gebring word.


GETEKEN: PA VINJEVOLD
HOOF: ONDERWYS
DATUM: 2011:10:03

"Western Cape Provincial School Education Act (WCPSEA), 12 of 1997"  (grootte: 61 KB)
Riglyne vir willekeurige deursoeking en beslaglegging en toetsing vir alkoholiese drank en dwelms  (grootte: 94 KB)
Bylae A: Voorgestelde pro-forma beleid  (grootte: 77 KB)
Bylae B: Beveiliging van ons skoolomgewing  (grootte: 37 KB)
Bylae C: Algemene inligting  (grootte: 17 KB)
Bylae D: Bykomende ondersteuningsdienste van die Departement van Maatskaplike Ontwikkeling  (grootte: 25 KB)