1. Die Departement van Staatsdiens en Administrasie het die behoefte geïdentifiseer om die regering se benadering tot mensekapitaalbestuur en -ontwikkeling, sowel as verwante databestuur, te standaardiseer deur die invoer van 'n stelsel genaamd MH-konnekteer. MH-konnekteer strewe daarna om departemente te help om hulle diens aan die publiek te verbeter.

2. MH-konnekteer definieer en versamel inligting aangaande vaardighede deur soortgelyke beroepe binne 'n vaardighede-oudit te kombineer. HR-konnekteer sal dus die Wes-Kaap Onderwysdepartement (WKOD) bystaan deur die vaardighedegapings tussen die WKOD se vaardighedevereistes (bevoegdhede en uitsette) en die vaardighedevlakke van sy werknemers vas te stel. Die WKOD sal dan in 'n posisie wees

  • om te bepaal watter vaardighede die WKOD benodig ('n organisatoriese vaardighedeprofiel); en
  • om unieke (lynfunksie) en generiese (staatsdiens)-beroepe te identifiseer en 'n beroepsprofiel vir elke pos saam te stel.
3. Alle werknemers van die WKOD sal 'n vaardighedeouditvraelys moet voltooi om elke individu se vaardighedeprofiel te bepaal. Deur hierdie vraelys te voltooi sal werknemers die WKOD in 'n posisie plaas om te bepaal wat elke werknemer se vaardigheidsvlakke is.

4. MH-konnekteer sal dus goed-gedefinieerde werkprofiele vir elke pos verskaf, wat ook prestasieooreenkomste, assesserings en verwante ontwikkelingsplanne, advertensies vir nuwe aanstellings en beroepsbane sal bepaal.

5. Inligtingsessies vir lynbestuurders sal gehou word by die distrikskantore tussen 11 en 15 Julie 2011. Hierdie sessies sal gaan oor die inhoud van die vaardighedeoudit-vraelys en hoe dit voltooi moet word.

6. Die sukses van die MH-konnekteerprojek sal afhang van die deelname van alle werknemers in die WKOD. Werknemers sal ook 'n werksprofiel vir elke pos moet voltooi. Aangesien verskillende departemente verskillende posbenamings gebruik vir poste wat dieselfde take en bevoegdhede vereis, sal sekere posbenamings verander word en in lyn gebring word met provinsiale generiese posbenamings. Hierdie generiese posbenamings sal in die toekoms van toepassing wees in die provinsie waneer poste geskep en geadverteer word. Die regstelling van posbenamings sal nie in enige opsig 'n werknemer se huidige salarisposisie of diensvoorwaardes beïnvloed nie.

7. Die vaardighedeouditvraelyste sal onder alle werknemers versprei word vanaf 15 Julie 2011. Voltooide vraelyste van onderwysinrigtings moet teruggestuur word na die onderskeie distrikskantore teen nie later nie as 1 September 2011. Die voltooide vraelyste van onderwysinrigtings en die vraelyste wat deur distrikskantoorpersoneel voltooi is, sal afgehaal word by die distrikskantore vanaf 2 September 2011 en verder. Vraestelle wat by die Hoofkantoor voltooi is, moet voorgelê word aan die Direktoraat: Mensehulpbronbestuur teen nie later nie as 26 Augustus 2011. Die vraelysinligting wat verkry is sal dan geoudit word om 'n vaardighedeouditprofiel vir elke werknemer op te stel.

8. Verdere kommunikasie oor inligtingsessies vir bestuurders en toesighouers sal eersdaags volg van die Direktoraat: Mensehulpbronbestuur.

9. U samewerking in hierdie verband sal hoog op prys gestel word.


GETEKEN: PA VINJEVOLD
HOOF: ONDERWYS
DATUM: 2011:07:11