| 1. | Die nasionale Minister van Basiese Onderwys het die regulasies uitgereik vir die betaling van kompensasie vir skoolgeldvrystellings aan nasionale Kwintiel 4- en 5-skole in Die Staatskoerant 33971, van 28 Januarie 2011. |
| 2. | Kompensasie vir skoolgeldvrystellings sal altyd op die vorige skooljaar bereken word. So bv. sal kompensasie vir die 2010-skooljaar in 2011 betaal word. |
| 3. | Die volgende vrystellings van die betaling van skoolgeld sal in aanmerking kom vir wettige eise: |
| 3.1 | 'n Leerder wat outomaties vrygestel word aangesien hy of sy 'n weeskind is of deur sy of haar ouers weggegooi is. |
| 3.2 | 'n Leerder aan wie 'n maatskaplike armoedeverwante staatssubsidie betaal word |
| 3.3 | 'n Leerder wie se ouers aansoek gedoen het om vrystelling van die betaling van skoolgeld, wat toe deur die Skoolbeheerliggaam (SBL) goedgekeur is. (Let daarop dat die aansoek en notule van die betrokke SBL-vergadering beskikbaar moet wees vir skoolouditdoeleindes.) |
| 4. | Tydraamwerke
Skole moet jaarliks teen 30 Junie aansoek doen om kompensasie vir vrystellings. As gevolg van die vertraging in die finalisering van die proses is die keerdatum vir die voorlegging van 2010-aansoeke aan die distrikskantoor nou 5 Augustus 2011. Geen laat voorleggings sal aanvaar word nie. Elke aansoek sal gestaaf word deur die distrikskantoor en voorgelę word aan die Hoofkantoor vir betaling. Betalings sal dan jaarliks teen 15 November aan die kwalifiserende skole gemaak word. Jaarlikse datums (vanaf 2012 en verder)
|
| 5. | Proses
Om die aansoekproses te vereenvoudig, moet aansoeke via SOBIS voorgelę word. Die minimum inligting wat die skool moet verskaf oor aansoeke sal wees die naam van die skool, die OBIS-nommer, die straatadres van die skool, die naam en kontakbesonderhede van die persoon wat die vorm ingevul het, die totale getal leerders by die skool ingeskryf, die lys van leerders wat vrygestel is van die betaling van skoolgeld in die vorige jaar en die unieke SOBIS-naspoornommer van elkeen van hierdie leerders. Die proses is as volg:
|
| 6. | Ouditering
Bylae B van die Staatskoerant sluit in die riglyne vir die ouditeur. Die volgende dokumente moet aan die ouditeur voorgelę word:
Die ouditeur moet die dokumente gebruik om die korrektheid van die inligting wat verskaf word te verifieer. Waar ondersteunende dokumentasie slegs in elektroniese formaat beskikbaar is, moet die ouditeur toegang tot die inligting versoek. Die ouditeur moet die toepaslike afdeling op die aansoekvorm voltooi en teken. Alle nievoldoening en verkeerde inligting moet gekorrigeer word voor die ouditeur die vorm afteken. Die WKOD sal nie 'n aansoek aanvaar wat nie deur die ouditeur geteken is nie of waarvan die ouditeur die geldigheid bevraagteken het nie. Vanaf 2012 moet die skole se aansoeke geoudit word as deel van die jaarlikse oudit van elke skool. |
| 7. | Die geouditeerde aansoekvorm moet voorgelę word aan die Hoof: IBB by die distrikskantoor. |
| 8. | Alle inligting wat ontvang is, sal onderwerp word aan geldigverklaring deur die departement Indien gevind word dat enige inligting bedrieglik is, sal sanksies toegepas word teen die skool wat aansoek gedoen het, wat kan beteken dat dissiplinęre optrede sal volg teen die prinsipaal wat die inligting geverifieer het en/of vergoeding uitbetaal het. Laat voorlegging (d.i. na 5 Augustus 2011 vir vanjaar), onvolledige inligting, veranderde inligting, verkeerde inligting en inligting wat voorgelę is in 'n verkeerde formaat sal die aansoek ongeldig maak. Die oorspronklike, voltooide aansoekvorm, en nie 'n kopie nie, moet voorgelę word. Let asseblief daarop dat die departement slegs aansoekvorms aanvaar wat deur SOBIS verskaf is. |
| 9. | Berekening
Sodra die departement die eise geldig verklaar het en die totale waarde van die eise bepaal het, sal skole ingelig word of hulle kwalifiseer en, indien wel, van die bedrae wat hulle sal ontvang. Die bedrag wat 'n skool per leerder sal ontvang, word as volg bereken: Tydperk (aantal dae ingeskryf gedurende die jaar) Eienskappe van berekenings:
Die departement sal in staat wees om te bepaal of 100% van 'n skool se eis betaal kan word slegs wanneer alle eise ontvang is en die totale bedrag bereken is. Hierdie totale bedrag sal dan vergelyk word met die totale jaarlikse begroting vir hierdie intervensie. Fondse sal aan skole wat kwalifiseer oorbetaal word teen 15 November 2011. |
| 10. | Enige navrae ten opsigte van die voltooiing van die aansoekvorm kan gerig word aan die IBB-bestuurder by u distrikskantoor. |
GETEKEN: LJ ELY
HOOFDIREKTEUR: FINANSIËLE BESTUUR
DATUM: 2011:06:22
