1. Die Wes-Kaap Onderwysdepartement (WKOD) se Strategie vir Gestremdheid erken persone met gestremdheide (PMG's) wat langtermyn fisiese, verstandelike, intellektuele of sensoriese gestremdhede het wat in interaksie met verskillende hindernisse, hulle volledige en doeltreffende deelname in die gemeenskap kan belemmer, op gelyke voet met ander mense.
2. Die WKOD besef dat baie van sy werknemers se gestremdhede nie geregistreer is of aan die Departement bekend is nie. Daarom is die Strategie vir Gestremdheid daarop gemik om die behoeftes van werknemers met gestremdhede redelik te akkommodeer om die werwing en behoud van persone met gestremdhede te bevorder, en om werknemers wat nie die geleentheid gegun is om hulle gestremdhede openbaar te maak nie te identifiseer en te ondersteun, indien hulle dit wel sou wou doen. Die strategie is daarop gemik om billike werksvoorwaardes vir persone met gestremdhede te voorsien.
3. Om die bogenoemde doelwitte te bereik, is die goedgekeurde Strategie vir Gestremdheid, saam met die openbaarmakingsvorms vir gestremdheid in Afrikaans, Engels en Xhosa aangeheg. Inligting wat versamel is van 'n voltooide openbaarmakingsvorm van Gestremdheid sal die WKOD in staat stel om die behoeftes van werknemers met gestremdhede aan te spreek. Die openbaarmakingsvorms is ook daarop gemik om PMG's te bemagtig om by te dra tot besluitneming binne die departement om die opleidingsbehoeftes van PMG's te identifiseer sodat hulle hulle beroep binne die WKOD kan beoefen.
4. WKOD-werknemers (opvoeders en staatsdienspersoneel) met 'n gestremdheid word aangemoedig om 'n openbaarmakingsvorm in die taal van hulle keuse te voltooi.
5. Daardie PMG's wat besluit om die openbaarmakingsvorm te voltooi, moet op die volgende let:

  1. Hulle moet al die persoonlike besonderhede verskaf wat op die vorm aangevra word.
  2. Werknemers moet 'n individuele assessering laat doen deur 'n gereeldeberoepsterapeut om die graad van hulle gestremdheid te verifieer.
  3. Die voltooide openbaarmakingsvorm en verifikasiebrief /-briewe moet na die Hoofkantoor gestuur word vir die aandag van die Direkteur: Menslikehulpbronbestuur, kamer 304, 3de Vloer, Grand Central Towers.
  4. Die inligting sal nagegaan word, en dan vasgelê word op 'n interne databasis en die Persalstelsel. Die inligting is helltemaal vertroulik en sal afsonderlik van algemene persoonlike rekords bewaar word.
  5. Afskrifte van die openbaarmakingsvorm sal op die WKOD-webtuiste vir maklike toegang geplaas word.
6. Indien daar enige verdere vrae oor hierdie saak bestaan, neem asseblief vrymoedigheid om óf me Nomalungelo Ngema by nngema@pgwc.gov.za of 021 467 2577 te kontak, óf anders me Mymona Jacobs by myjacobs@pgwc.gov.za of tel. 021 467 2437.
7. Bring asseblief die inhoud van hierdie omsendbrief onder die aandag van alle onderwyspersoneellede.


GETEKEN: PA VINJEVOLD
HOOF: ONDERWYS
DATUM: 2011:06:07

Disability Strategy of the Western Cape Education Department (WCED)  (grootte: 100 KB)

VORM VIR INSTEMMING TOT BEKENDMAKING VAN GESTREMDHEID
Afrikaans  (grootte: 53 KB)
"English"  (grootte: 49 KB)
"Xhosa"  (grootte: 57 KB)