1. Onder dekking van Omsendbrief: 0036/2004, het die Wes-Kaap Onderwysdepartement (WKOD) die huidige vraelys opgestel vir voltooiing deur opvoeders wat uit die diens van die WKOD tree. Hierdie vraelys maak nie voorsiening vir staatsdienswerkers nie.
2. Die WKOD het nou die vraelys vir diensverlaters hersien om opvoeders sowel as staatsdienswerkers wat die diens verlaat te akkommodeer. Die Departement wil graag soveel inligting as moontlik verkry oor die redes waarom opvoeders en staatsdienswerkers die diens van die WKOD verlaat, en ook hulle opinies kry oor die kultuur en werksomstandighede van die Departement. Op hierdie wyse kan die Departement poog om sekere werksverwante kwessies aan te pak en voorkomend op te tree waar moontlik. Die inligting wat ontvang is, sal as streng vertroulik behandel word.
3. Sodra lynbestuurders of prinsipale te hore kom dat 'n opvoeder of staatsdienswerker die diens van die departement gaan verlaat, moet hulle versoek dat daardie werknemer die aangehegte vraelys vir diensverlaters voltooi (Bylae A).
4. Die voltooide vorms moet voorgelê word aan die onderskeie direkteur te Hoofkantoor of distrikskantoor, wat die vorms dan moet pos na die Direkteur: Menslikehulpbronbeplanning, Privaatsak X9114, Kaapstad, 8000, of faks na 021 467 2019.
5. Bring asseblief die inhoud van hierdie omsendbrief onder die aandag van alle betrokkenes.


GETEKEN: PA VINJEVOLD
HOOF: ONDERWYS
DATUM: 2011:05:16

Bylae A: Vraelys aan werknemers wat vertrek>  (grootte: 50 KB)
"Assets Control Form"  (grootte: 27 KB)