IMibuzo: Early Childhood
Development personnel
at district office
IFoni: 021-4672584
IFeksi: 021-4679385
ISalanthiso: 13/1/4
20101126-0024

Wes-Kaap Onderwysdepartement
Western Cape Education Department
ISebe IeMfundo IeNtshona Koloni

ISETYHULA        :    

0050/2010

UMHLA WOKUPHELELWA   :    

AWUKHO


IYA:      

KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KWIINTLOKO ZAMACANDELO KWANDLUNKULU NAKWII-OFISI ZEZITHILI ZEMFUNDO, KUBAPHATHI BEZE-IMG, KUBAPHATHI BEEKOMITI ZEESEKETHE, KUBACEBISI NGEZE-ECD, KWIINTLOKO ZEZIKOLO EZIZIIPRI-PRAYIMARI NAKWIZIKOLO ZOLUNTU, NAKWIINQUNUNU ZEZIKOLO ZIKARHULUMENTE EZI EZINEEKLASI ZEBAKALA R


ISISHWANKATHELO ESIFUTSHANE:      

Ingcaciso ngenkxaso-mali yeBakala R neminye imiba yophuhliso lwemfundo yabasaqalayo


ISIHLOKO:      

INKXASO-MALI YEBAKALA R NEMINYE IMIBA ENXULUMENE NE-ECD NGO-2011


1. UKUNGENISWA KWEEFOM ZAMABANGO (SUBMISSION OF CLAIM FORMS)

Kukhunjuzwa iinqununu zezikolo ezineBakala R neentloko zamaziko ophuhliso lwemfundo yabasaqalayo (early childhood development (ECD)) ukuba kufuneka kungeniswe izicelo zekota zenkxaso-mali kwi-ofisi yesithili semfundo sazo ingadlulanga le mihla ilandelayo ku-2011:

Ikota Kwi-Ofisi yeSithili seMfundo KwaNdlunkulu
Ikota 1 ka-2011 NgoLwesihlanu, 11 Februwari 2011 NgoLwesihlanu, 25 Februwari 2011
Ikota 2 ka-2011 NgoLwesihlanu, 20 Meyi 2011 NgoLwesihlanu, 3 Juni 2011
Ikota 3 ka-2011 NgoLwesihlanu, 19 Agasti 2011 NgoLwesihlanu, 2 Septemba 2011
Ikota 4 ka-2011 NgoLwesihlanu, 18 Novemba 2011 NgoLwesihlanu, 2 Disemba 2011

Amaziko angaphumeleliyo ukulandela le mihla ingasentla asengozini yokuphulukana nenkxaso-mali yawo. Izikolo ezifuna uncedo ngokuzaliswa kweefom zamabango enkxaso-mali zingaqhagamshelana nomphathi weze-IMG ECD kwi-ofisi yesithili semfundo. Ingxelo yeCEMIS, ebonisa inani labafundi ababebhalise kwiklasi yeBakala R, kufuneka ingeniswe nayo nesicelo sebango ngasinye.

2. UBHALISO LWEZIKOLO KWI-EMIS NABAFUNDI BEBAKALA R KWI-EMIS

NgokweMimiselo neMigangatho kaZwelonke yesabelo-mali samaBakala R (ISaziso sikaRhulumente 30679 sowe-18 Januwari 2008), zonke izikolo zikarhulumente nezikolo ezizimeleyo ezifundisa iBakala R mazibhaliswe kwiCEMIS kwaye zibe nesatifikethi sobhaliso sangoku. Bonke abafundi beBakala R mababhaliswe kwiCEMIS.

3. IZIKOLO EZINGABIZI FIZI EZIFUNDISA IBAKALA R
3.1 Izikolo ezingabizi fizi nezifumana inkxaso-mali yeBakala R kurhulumente azivumelekanga ukuba zibize iifizi zesikolo kubafundi beBakala R (funda kwiphepha 4 le-National Financial Management Guidelines in Respect of School Offering Grade R Classes, October 2009).
3.2 Bangacelwa abazali ukuba bafake igalelo ngokuzithandela. Kodwa ke, makugxininiswe ukuba eli galelo alisosinyanzelo kwaye malingaze lisetyenziselwe ukukhethela ecaleni (exclude) abafundi ababazali babo bangenako ukufaka igalelo elilolu hlobo.

4. INGXELO-MALI YONYAKA

NgokweSiqendu 55 soMthetho woLawulo lweMali kaRhulumente (uMthetho 29 ka-1999), onke amaziko emfundo afumana isabelo-mali kurhulumente makagcine iirekhodi ezipheleleyo nezifanelekileyo zemicimbi yemali yawo, aze qho ngonyaka angenise ingxelo-mali ephicothiweyo (audited financial statement) kwisigqeba solawulo sawo (kule meko kwiSebe leMfundo leNtshona Koloni). Ngokumalunga noku, onke amaziko e-ECD makangenise ingxelo-mali yonyaka ephicothiweyo ephathelene nonyaka wezifundo wonyaka ogqithileyo. Le ngxelo-mali mayingeniswe kwi-ofisi yesithili semfundo saloo ndawo likuyo iziko phambi kokuphela kukaMeyi ngonyaka ngamnye. Ukungaphumeleli ukwenjenjalo kuya kulibazisa intlawulo yenkxaso-mali elandelayo kwiziko elichaphazelekayo.

5. UBHALISO

Ukuqinisekisa imfundo efanelekileyo kwiklasi nganye yeBakala R, izikolo ziyakhunjuzwa ukuba elona nani liphezulu labafundi elinokubhaliswa kwiklasi yeBakala malingagqithi ku-35.

Izikolo maziqaphele kwakhona ukuba kufuneka zithathe kuqala abantwana abasebefikelele kwiminyaka emihlanu yobudala phambi kokuba kuqale unyaka omtsha. Nakuba kunjalo, abantwana abaza kuba neminyaka yobudala emi-5 ekupheleni kukaJuni banako nabo ukwamkelwa kwiBakala R, ukuba ukwamkelwa kwabo akuthathi ndawo yabo sele befike kwiminyaka yobudala emi-5.

6. Le setyhula mayifundwe kunye neSetyhula 0004/2010.

7. Okubhalwe kule setyhula makwaziswe bonke abachaphazelekayo kwi-ECD kwisikolo sikarhulumente, kwisikolo esizimeleyo okanye kwi-ofisi yesithili semfundo.


ISAYINWE: NGU-B.K. SCHREUDER
INTLOKO: YESEBE LEMFUNDO
UMHLA: 2010:00:00

Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22

La maxwebhu alandelayo abhekisele kule setyhula.
Sebenzisa i-Adobe Acrobat Reader® ukuwafunda okanye ukuwaprinta.
Klikha kwisihloko esingezantsi:  uxwebu luya kuvula i-Acrobat Reader® apho unokugcina okanye uprinte ikopi.
Ukubuyela kule setyhula, klikha kwi logo ye-WCED Online ephezulu kwesi sikrini.
"Public Finance Management Act (Act 29 of 1999)"  (ubukhulu: 317 KB)