| 2. |
IPhulo lokuThengwa kwee-Laptop ngooTitshala (Teachers' Laptop Initiative (TLI)) laphehlelelwa eNtshona Koloni nge-30 Oktobha 2010 yaye kwakumenywe ootitshala abayi-600 ukuba beze kolu phehlelelo. |
| 3. |
I-TLI yinxalenye yesicwangciso seSebe leMfundo esiSiseko (Department of Basic Education (DBE)) nabanye abathathi-nxaxheba kwimfundo ukuphucula umgangatho wemfundo uphela ngokwenza ukuba izibonelelo zoncedo zifumaneke kubafundi nakootitshala abakwicandelo lemfundo yezikolo zikarhulumente. |
| 4. |
I-TLI ijolise ekuncediseni ootitshala abaqeshwe isigxina ezikolweni, ngokuthi kuhlawulwe qho ngenyanga isibonelelo esingaxhuzulelwa mhlala-phantsi (non-pensionable allowance), ukuhlangabezana neendleko zokuthenga, zokuqhagamshelwa (connectivity) neze-inshorensi yekhompyutha eyi-laptop. I-TLI ayisosinyanzelo kwaye ootitshala abathatha inxaxheba kwi-TLI nabazilandelayo iimfuno ezingummiselo baya kufumana isibonelelo esingaxhuzulelwa mhlala-phantsi se-R130 ngenyanga ithuba eliyiminyaka emi-5. |
| 5. |
IBhunga leMfundo lezoBudlelane eMisebenzini (Education Labour Relations Council (ELRC)) ligunyaziswe ukuba lilawule le projekthi egameni le-DBE kunye nemibutho yabasebenzi. I-ELRC ifune iikowuteshini kubenzi bee-laptop nakwii-connectivity providers ukwenzela ukuba kufunyanelwe ootitshala elona xabiso lentengiso libhetele kakhulu. |
| 6. |
I-TLI iya kuphunyezwa ithuba eliyiminyaka emi-5. Iqela lokuqala lootitshala abayi-3 500, nelibandakanya iinqununu, amasekela-nqununu, iintloko zamacandelo ezifundo nootitshala, sele lizifumene iileta ezibacela ukuba bathathe inxaxheba kwesi skim. Aba titshala bakhethwe ngenxa yezikhundla zabo ezikhulu kwaye, njengoko kucacisiwe apha ngentla, bakufanele ukufumana isibonelelo se-TLI ithuba eliyiminyaka emi-5. |
| 7. |
I-TLI iya kuvulelwa ukuba ibandakanye abanye ootitshala njengoko kusiya kufumaneka ezinye iimali zokuyixhasa. ISebe iWCED likhuthaza ootitshala abafanelekileyo ukuba basebenzise eli thuba nelinjongo yalo ikukuxhasa ukufunda nokufundisa imfundo esemgangathweni. |
| 9. |
Inkqubo yokuthenga, njengoko icaciswe yi-ELRC, imi ngolu hlobo lulandelayo:
- Isebe lemfundo lephondo (provincial education department (PED)) likhetha ootitshala abayifaneleyo i-TLI.
- Ngamnye utitshala okhethiweyo uthunyelelwa ileta yokumazisa evela kwi-PED.
- Utitshala uya komnye weevenkile ezigunyazisiweyo (authorised outlets) ezikhethwe ngumthengisi (supplier). Oku kuya kuboniswa kweli ziko lewebhu le-TLI
www.teacher-laptop.co.za Kungenjalo, kungaqhagamshelwana nomthengisi ngokumalunga noku.
- Utitshala unethuba lokuthelekisa iiphakheji ezahlukeneyo ezinikwa ngabathengisi.
- Ileta yokumazisa (letter of notification) igqithiselwa kumthengisi.
- Ukwamkelwa ngokusemthethweni kweleta notitshala kungqinisiswa kwi-central registry ye-TLI.
- Akuba nje utitshala ekhethe iphakheji, utitshala nomboneleli-nkonzo ovunyiweyo (accredited service provider) bangena kwimvumelwano.
- Umboneleli-nkonzo unika utitshala isatifikethi sokuthenga esinayo yonke ingcaciso ngephakheji. Yonke into ukususela kwii-serial numbers kuye kwi-connectivity ifakwa kwikhompyutha (is captured). Isatifikethi eso sikhutshwa kunye nenombolo engafani konke nenye (unique number) neya kuqinisekiswa (verified) kwi-central registry ye-TLI.
- Kuya kufuneka utitshala asayine umgaqo ongokuziphatha.
- Isatifikethi sisebenza njengobungqina bokuthenga kwaye siya kusetyenziselwa ukuvula i-akhawunti ye-imeyili katitshala. Siya kuphinda sithunyelwe kwi-PED ukwenzela ukuhlawula isibonelelo saqho ngenyanga ne-stop order sokuqalisa iintlawulo zokubuyisa ityala.
|
| 10. |
Kucelwa wazise okukule setyhula bonke ootitshala ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2010:12:01
|