ISETYHULA : | 0040/2010 | UMHLA WOKUPHELELWA : | AWUKHO |
IYA: | KUBALAWULI ABAZIINTLOKO, KUBALAWULI, KWIINQUNUNU ZEZIKOLO NAKOOSIHLALO BAMABHUNGA OLAWULO EZIKOLO ZIKARHULUMENTE EZIQHELEKILEYO NEEHOSTELE (KUNGABANDAKANYWANGA IIKHOLEJI ZEMFUNDO) |
ISISHWANKATHELO ESIFUTSHANE: | Ukwandiswa kwezixa-mali ezihlawulelwa ukubhoda, ezothutho, iibhasari zokubhoda zabucala neenkxaso-mali zabasebenzi ezihlawulwa kwiihostele nezikolo |
ISIHLOKO: | UKWANDISWA KWEEBHASARI ZOKUBHODA, EZOKUBHODA ZABUCALA NEZOTHUTHO, NEENKXASO-MALI (SUBSIDIES) ZABASEBENZI EZIHLAWULWA KWIIHOSTELE NEZIKOLO |
| 1. |
Kuvunyiwe ukwandiswa kwezi bhasari zilandelayo ukususela kwi-1 Apreli 2010: |
| 1.1 |
Ezona ntlawulo ziphezulu zeebhasari zokubhoda ezihlawulwa abafundi abasweleyo abakwiihostele zezikolo zikarhulumente eziqhelekileyo zandisiwe ukusuka kwi-R5 640.00 ukuya kwi-R5 978.00 ngomfundi ngamnye ngonyaka. |
| 1.2 |
Ezona ntlawulo ziphezulu zeebhasari zokubhoda kwiindawo zabucala neebhasari zezothutho ezihlawulwa abafundi abasweleyo kwezi zithili zemfundo, West Coast, Cape Winelands, Eden & Central Karoo ne-Overberg, zandisiwe ukusuka kwi-R1315.00 ukuya kwi-R1 394.00 ngomfundi ngamnye ngonyaka.
| QAPHELA: |
Zonke ezi bhasari zingentla zibalwa ngokungqinelana novavanyo lobungakanani bemfuno (means test) oluvunyiweyo neekhrayitheriya ezimiselweyo ezicaciswe kwiSetyhula 0143/1998 ye-6 Novemba 1998 nakwiSetyhula 0029/2001 ye-13 Matshi 2001. |
|
| 2. |
Kukwavunyiwe kwakhona ukwandiswa kwezi nkxaso-mali zabasebenzi zilandelayo ukususela nge-1 Apreli 2010: |
| 2.1 |
Inkxaso-mali (subsidy) yabasebenzi ehlawulwa kwizikolo zikarhulumente eziqhelekileyo ezinenani labafundi ababhalisileyo elingaphantsi kwabafundi abayi-201 ukwenzela ukuthenga iinkonzo zezolawulo nezokucoca, yandisiwe ukusuka kwi-R377.00 ukuya kwi-R400.00 ngomfundi ngamnye ngonyaka. |
| 2.2 |
Inkxaso-mali yabasebenzi ehlawulwa kwiihostele zikarhulumente ezinenani labafundi ababhalisileyo elingaphantsi kwabafundi abayi-50 abahlala ehostele ukwenzela ukuthenga ukutya kwesondlo (nutrition) neenkonzo zokucoca, yandisiwe ukusuka kwi-R5 232.00 ukuya kwi-R5 546.00 ngomfundi ngamnye ngonyaka. |
| 2.3 |
Inkxaso-mali yabasebenzi ehlawulwa kwiihostele zecawe okanye zabucala ukwenzela ukuthenga ukutya kwesondlo (nutrition) neenkonzo zokucoca, yandisiwe ukusuka kwi-R1 317.00 ukuya kwi-R1 397.72 ngomfundi ngamnye ngonyaka. |
| 3. |
Kucelwa wazise amalungu ebhunga lolawulo lesikolo nabo bonke abanye abachaphazelekayo okukule setyhula ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2010:11:01
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
