ISETYHULA : | 0001/2010 | UMHLA WOKUPHELELWA : | 2010-03-26 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFSI ZEZITHILI ZEMFUNDO), KUMASEKELA BALAWULI, KWIINGCALI ZEMFUNDO EZIZIINTLOKO, IINTLOKO: ZOQUQUZELELO NENGCEBISO NGEZEKHARITYHULAMI, KUBACEBISI NGEZEKHARITYHULAM, KUBAPHATHI BEEKOMITI ZEESEKETHE, IINTLOKO: ZOQUQUZELELO NENGCEBISO NGEZE-IMG, KUBAPHATHI BEZE-IMG, AMASEKELA-NGCALI YEMFUNDO EYINTLOKO, IINTLOKO ZOQUQUZELELO NENGCEBISO NGEZE-SLES, NAKWIINTLOKO ZAMAZIKO ALUNGISELELA ABAVIWA IIMVIWO ZESATIFIKETHI SEMATRIKI SIKAZWELONKE |
ISISHWANKATHELO ESIFUTSHANE: | Ithayimthebhile yokugqibela namalungiselelo eeMviwo zokuXabangela zeSatifikethi seMatriki sikaZwelonke ngoFebruwari /Matshi 2010 |
ISIHLOKO: | ITHAYIMTHEBHILE NAMALUNGISELELO EEMVIWO ZOKUXABANGELA ZESATIFIKETHI SEMATRIKI SIKAZWELONKE NGOFEBRUWARI/MATSHI 2010 |
| 2. |
Iimviwo zokuXabangela ze-NSC zicwangciselwe ukuqala ngowe-11 Februwari 2010 zize zigqitywe ngowe-25 Matshi 2010.
|
| 3. |
Zimbini iiseshoni ezicwangciselwe usuku ngalunye. Iiseshoni zakusasa nezasemva kwemini ziya kuqala ngo-09:00 nango-14:00 ngokulandelelanayo.
|
| 4. |
Iifom zokubhalisela iimviwo zokuxabangela ziya kuthunyelwa kubo bonke abaviwa abakulungeleyo ukuhlalela iimviwo nje emva kokuba zikhutshiwe iziphumo. Iifom zokubhalisa ezizalisiweyo mazithunyelwe kule dilesi ilandelayo:
Directorate: Examinations Administration
Attention: Mr L Van Gensen
Western Cape Education Department
Private Bag X9114
CAPE TOWN
8000 |
Iifomu zokubhalisa ezizalisiweyo zisenokuziswa ubuqu apha:
WCED Call Centre,
Grand Central Towers: 2nd Floor
Lower Parliament Street
CAPE TOWN |
|
| 5. |
Umhla wokuvala ukubhalisela uviwo lokuxabangela (supplementary examination entries) nguLwesihlanu, wama-22 Januwari 2010. Ziyacelwa iinqununu zezikolo nabaviwa ukuba bawulandele ngqo lo mhla, njengoko ukubhalisela uviwo sewugqithile umhla wokuvala kungayi kuvunyelwa.
|
| 6. |
Kuya kusekwa amaziko okubhalela iimviwo zokuxabangela kwizikolo eziziisekondari nakumanye amaziko njengoko kumiselweyo lisebe lemfundo. Ukuba isikolo asifumaneki njengeziko lokubhalela uviwo lokuxabangela, inqununu mayazise umphathi weze-IMG wayo engagqithanga uLwesihlanu wama-22 Januwari 2010, ukwenzela ukuba kwenziwe amalungiselelo eziko elingelinye lokubhalela uviwo.
|
| 7. |
Kwa-aba bagadi babaviwa baziintloko banye bekunye nabagadi babaviwa ababebandakanyekanga ekuqhutyweni kweemviwo ngoNovemba 2009 zeSatifikethi seMatriki sikaZwelonke baya kusetyenziswa ukugada olu viwo, njengoko kukhankanyiweyo kwiimvumelwano ezisayiniweyo zabo.
|
| 8. |
Makaqinisekise umgadi wabaviwa oyintloko ukuba abaviwa bangena kwiziko lokubhalela uviwo kwimizuzu eyi-35 phambi kwexesha lokuqalisa uviwo elisemthethweni leseshoni yoviwo. Eli xesha liya kusetyenziswa ngolu hlobo lulandelayo:
|
| 8.1 |
Imizuzu eyi-25 yokuqala mayisetyenziselwe ukuhlalisa abaviwa kwiindawo ezichanekileyo, ukukhupha amaphepha emibuzo, njl. njl.
|
| 8.2 |
Kwimizuzu eyi-10 eseleyo abaviwa mabanikwe ithuba lokufunda lonke iphepha lemibuzo.
|
| 8.3 |
Ukubhala okanye ukwenza iinowutshi akuvumelekanga ngalo naliphi na ixesha kwithuba lemizuzu engama-35. Ukophulwa kwalo mthetho kuya kuthathwa njengesitenxo (an irregularity).
|
| 8.4 |
Abaviwa mabagqibe ukubhala ngexesha eliboniswe kwithayimthebhile yoviwo.
|
| 9. |
Iinqununu zezikolo ziyacelwa okokuba zazise okubhalwe kule setyhula kubo bonke abaviwa ababhale iiMviwo zeSatifikethi seMatriki sikaZwelonke ngoNovemba 2009.
|
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2010:01:05
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
