1. Die doel van hierdie omsendbrief is om werknemers se aandag te vestig op die vereistes t.o.v. kennisgewingperiodes by bedanking, soos uiteengesit in die Staatsdiensregulasies, die Transversale Beleid oor Aanstellings, Bevorderings en Diensbeëindiging van die Provinsiale Regering van die Wes-Kaap, en die Wet op die Indiensneming van Opvoeders, 1998 (Wet 76 van 1998). Dit is belangrik om te hou by bepaalde bedankingskennisgewingperiodes sodat alle administratiewe prosesse betyds afgehandel kan word.

2. Bedankingsperiodes t.o.v. werknemers wat aangestel is onder die Staatsdienswet, 1994.

Die Staatsdiensregulasies, 2001, bepaal die volgende t.o.v. bedankingsperiodes.

'n Werknemer mag uit die Staatsdiens bedank, en sal vir daardie doel, tensy daar anders ooreengekom is met die uitvoerende gesag, -
(a) in die geval van enige werknemer wat maandeliks betaal word, ten minste een maand geskrewe kennis van bedanking gee;
(b) in die geval van enige tydelike werknemer wat vir minder as vier weke in diens geneem is, ten minste een week kennis van bedanking gee
(c) in die geval van enige tydelike werknemer wat vir meer as vier weke in diens geneem is, ten minste twee weke kennis gee.

Paragraaf 5.2 van die Transversale Beleid op Aanstellings, Bevorderings en Diensbeëindiging bepaal die volgende:

5.12 Bedanking;
5.12.2 'n Werknemer mag enige tyd uit die PAWK bedank, mits een kalendermaand geskrewe kennis gegee word, en op sodanige voorwaardes as wat van toepassing is ingevolge enige kontraktuele ooreenkoms wat van toepassing mag wees op die datum van bedanking (bv. beursverpligtinge). Die werkgewer mag egter na eie diskresie 'n korter periode van kennisgewing aanvaar in buitengewone omstandighede;
5.12.4 Wanneer 'n werknemer kennis gegee het van sy/haar bedanking en hy/sy die bedanking wil terugtrek, mag die herroeping van die bedanking tydens die kennisgewingperiode slegs toegestaan word met die goedkeuring van die betrokke gesagdraer.

Met verwysing na 5.12.4 hierbo en in die WKOD:
Vir senior bestuurders (direkteursvlak of gelyke rang en hoër) dui "betrokke gesagdraer" op die Onderwyshoof;
Vir werknemers onder seniorbestuursvlak, dui "betrokke gesagdraer" op die direkteur aan wie hulle rapporteer.


3. Bedankingsperiodes t.o.v. werknemers wat aangestel is onder die Staatsdienswet, 1998

Klousule 15 van Hoofstuk 4 van die Wet op die Indiensneming van Opvoeders, 1998 bepaal die volgende

Bedankings
15. (1) 'n Opvoeder mag bedank met 90 dae se skriftelike kennisgewing of sodanige korter kennisgewing as wat die werkgewer mag goedkeur op versoek van die opvoeder;
(2) Indien die naam van 'n opvoeder verwyder word van die register van opvoeders van die Suid-Afrikaanse Raad vir Opvoeders, sal die opvoeder, nieteenstaande enigiets strydig soos bevat in hierdie Wet, geag word as dat hy/sy bedank het, effektief vanaf die dag wat onmiddellik volg op die dag waarop die opvoeder se naam verwyder is.

4. Dit is belangrik dat hierdie kennisgewing onder die aandag gebring word van alle werknemers van die Wes-Kaap Onderwysdepartement asook van bestuurders, om te verseker dat hulle voldoen aan die vereistes soos vervat in paragraaf 2 en 3 hierbo.


GETEKEN: PA VINJEVOLD
HOOF: ONDERWYS
DATUM: 2010:02:23

"Employment of Educators Act 1998"  (grootte: 70 KB)
"Public Service Act, 1994"  (grootte: 188 KB)