1. Ingevolge Regulasie 2(2)(h) van die regulasies betreffende die registrasie van en subsidies aan onafhanklike skole, moet die eienaar van 'n onafhanklike skool toesien dat die gemiddelde duur van 'n skooldag en die minimum getal skooldae per skooljaar van daardie onafhanklike skool voldoen aan die voorskrifte soos deur die Departementshoof goedgekeur.
2. Alle onafhanklike skole word daaraan herinner dat, alhoewel die lengte van 'n spesifieke skoolkwartaal mag verskil van die skoolkwartale soos deur die WKOD voorgeskryf, hulle skooljaar ten minste die minimum getal skooldae soos deur die Departementshoof bepaal, moet hê. Voldoening aan hierdie voorskrif is een van die voorwaardes vir registrasie as 'n privaat skool.


GETEKEN: PA VINJEVOLD
HOOF: ONDERWYS
DATUM: 2010:02:04