OMSENDBRIEF : | 0047/2010 | VERVALDATUM : | GEEN |
AAN: | HOOFDIREKTEURE, DIREKTEURE (HOOFKANTOOR EN ONDERWYSDISTRIKSKANTORE), HOOFDE VAN ONDERWYSINRIGTINGS |
KORT OPSOMMING: | Implementering van Onderwyserskootrekenaarinisiatief |
ONDERWERP: | IMPLEMENTERING VAN ONDERWYSERSKOOTREKENAARINISIATIEF |
| 2. |
Die Onderwyserskootrekenaarinisiatief (OSI) is van stapel gestuur in die Wes-Kaap op 30 Oktober 2010 en 600 onderwysers is uitgenooi om die bekendstelling by te woon. |
| 3. |
Die OSI is deel van 'n plan van die Departement van Basiese Onderwys (DBO) en ander belanghebbendes in die onderwys om die algehele gehalte van onderwys te verbeter deur bronne beskikbaar te stel aan leerders en onderwysers in die openbare onderwyssektor. |
| 4. |
Die OSI is gemik op die ondersteuning van permanente skoolgebaseerde onderwysers, deur die betaling van 'n maandelikse nie-pensioendraende toelaag, om die koste van die aankoop, koppeling en versekering van 'n skootrekenaar te dek. Die OSI is nie verpligtend nie en onderwysers wat deelneem aan die OSI en wat aan die vereistes voldoen, sal 'n nie-pensioendraende toelaag van R130 per maand ontvang vir 'n tydperk van 5 jaar. |
| 5. |
Die Raad vir Arbeidsverhoudinge in die Onderwys (RAVO) het die mandaat om die projek namens die DBO en die vakunies te bestuur. Die RAVO het kwotasies aangevra van skootrekenaarvervaardigers en koppelingsverskaffers om die beste transaksie vir onderwysers te beding. |
| 6. |
Die OSI sal oor 'n tydperk van vyf jaar geīmplementeer word. Die eerste groep van 3 500 onderwysers, wat prinsipale, adjunkprinsipale, departementshoofde en onderwysers insluit, het alreeds briewe ontvang wat hulle uitnooi om deel te neem aan die skema. Hierdie onderwysers is geselekteer op grond van senioriteit van rang en, soos hierbo genoem, kwalifiseer hulle om die OSI-toelaag oor 'n tydperk van 5 jaar te ontvang. |
| 7. |
Die OSI sal bekendgestel word om meer onderwysers in te sluit, na gelang meer fondse beskikbaar gestel word. Die WKOD doen 'n ernstige beroep op onderwysers wat kwalifiseer om gebruik te maak van hierdie geleentheid wat gemik is op die ondersteuning van leer en onderrig van gehalte. |
| 8. |
Inligting aangaande die verskaffers, pakkette, vennote, en die aanwending- en aankoopproses, sowel as antwoorde op vrae wat algemeen gevra word, kan gevind word by
www.teacher-laptop.co.za |
| 9. |
Die aankoopproses, soos bepaal deur die RAVO werk soos volg:
- Die provinsiale onderwysdepartement (POD) kies onderwysers wat kwalifiseer vir die OSI.
- 'n Brief van kennisgewing van die POD word na elke gekose onderwyser aangestuur.
- Die onderwyser nader een van die gemagtigde verkooppunte wat deur die verskaffer gekies is. Dit sal aangedui word op die OSI-webtuiste by www.teacher-laptop.co.za Alternatiewelik kan die verskaffer gekontak word in hierdie verband.
- Die onderwyser het die geleentheid om die verskillende pakkette wat deur verskaffers aangebied word, te vergelyk.
- Die bekendstellingsbrief word aan die verskaffer oorhandig.
- Die geldigheid van die brief en die onderwyser word bevestig op die sentrale register van die OSI.
- Sodra die onderwyser 'n pakket gekies het, sluit die onderwyser en die geakkrediteerde diensverskaffer 'n ooreenkoms.
- Die diensverskaffer reik aan die onderwyser 'n aankoopsertifikaat uit wat al die inligting aangaande die pakket bevat. Alles van die reeksnommers tot konnektiwiteit word ingesleutel. Die sertifikaat word vergesel van 'n unieke nommer wat op die OSI se sentrale register bevestig kan word.
- Daar sal van die onderwyser verwag word om 'n gedragskode te onderteken.
- Die sertifikaat dien as 'n koopbewys en sal gebruik word om die onderwyser se e-posrekening te aktiveer. Dit sal ook aangepos word na die POD om die maandelikse toelaag te bemoontlik en stoporders vir terugbetalings te aktiveer.
|
| 10. |
Bring asseblief die inhoud van hierdie omsendbrief onder die aandag van alle onderwyspersoneellede. |
GETEKEN: PA VINJEVOLD
HOOF: ONDERWYS
DATUM: 2010:12:01
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
