1. In Omsendbriewe 45/2002 en 31/2003 van die Wes-Kaap Onderwysdepartement (WKOD) word die betaling van waarnemingstoelaes aan opvoeders wat in hoër (promosie-) poste waarneem uiteengesit. Hierdie omsendbrief verduidelik die prosedure wat gevolg moet word wanneer opvoeders in 'n waarnemende hoedanigheid in bevorderingsposte aangestel word.

2. Waarnemende toelaes kan betaalbaar wees in gevalle waar daar 'n vakante substantiewe pos bestaan of wanneer die permanente bekleër om een van die volgende redes afwesig is:

  1. Kraamverlof
  2. Siekteverlof
  3. Studieverlof
  4. Skorsing
  5. Sekondering
3. Die nominasie van 'n opvoeder om in 'n hoër pos waar te neem waar die pos vakant is of waar die permanente bekleër afwesig is, word deur die beheerstruktuur van die inrigting gedoen.

4. Die volgende proses moet gevolg word vir alle bevorderingsposte wat tydelik gevul word:
4.1 Waar slegs een aansoeker kwalifiseer om in die vakante hoër pos waar te neem, moet daardie persoon die waarnemende posisie outomaties aanvaar.
4.2 4.2 Waar meer as een aansoeker kwalifiseer om in die hoër pos waar te neem, moet die beheerliggaam die vakante hoër pos intern adverteer deur middel van 'n advertensie op die personeel se kennisgewingbord wat duidelik die pligte en die vereistes van die pos, aandui.
4.3 Aangesien dit gebiedend noodsaaklik is dat die beheerstruktuur hou by die inhoud van Omsendbrief 45/2002 (Resolusie 8/2001) en Omsendbrief 31/2003 (Resolusie 8/2002), moet 'n onderhoud gevoer word.
4.4 Indien die pos nie binne ses maande permanent gevul sal word nie, kan die waarnemende posisie geroteer word om opvoeders wat kwalifiseer die geleentheid te bied om in daardie pos waar te neem. Dit sluit die posisie van prinsipaal uit.

5. Indien daar buitengewone omstandighede is wat aanleiding kan gee tot 'n afwyking van die voorskrifte, moet goedkeuring vooraf verkry word voordat 'n beslissing geneem word. Die bepalings en voorwaardes wat van toepassing is op buitengewone waarnemende aanstellings word uiteengesit in paragraaf 4 van Bylae A tot albei bogemelde resolusies.

6. Die mag om waarnemende aanstellings goed te keur berus by die Hoof: Inrigtingsbestuur en -beheer (normale waarnemende aanstellings) en die Distriksdirekteur (buitengewone waarnemende aanstellings) en alle versoeke om die nodige goedkeuring vir waarnemende aanstellings moet dus gestuur word aan die betrokke Kringspanbestuurder (en nie na die Direktoraat: Menslike Hulpbron Administrasie by die WKOD-hoofkantoor nie).

Let Wel: Vanaf 1 Januarie 2011 moet die benoeming van opvoeders om in bevorderingsposte waar te neem, op die aangehegte vorm DHA 2 gedoen word.

7. Die minimum betaalperiodes, soos per RAVO Resolusie 8 van 2001 en 8 van 2002, is soos volg:

  • Hoër vakante en befondsde pos: 6 weke
  • Hoër pos vakant as gevolg van afwesigheid van permanente posbekleër (verwys na paragraaf 2 hierbo): 12 weke
8. Bring asseblief hierdie omsendbrief onder die aandag van alle opvoeders en lede van die beheerliggaam, en versoek hulle om 'n erkenning dat hulle bewus is van die inhoud daarvan te onderteken en te dateer.


GETEKEN: PA VINJEVOLD
HOOF: ONDERWYS
DATUM: 2010:11:12

"Resolution 8/2001"  (grootte: 68 KB)
"Resolution 8/2002"  (grootte: 64 KB)
DHA 2 Vorm: Waarnemende Aanstelling in Opvoederspos  (grootte: 173 KB)