| 2. |
Die OSI is deel van 'n plan van die Departement van Basiese Onderwys (DBO) en ander belanghebbendes in die onderwys om die algehele gehalte van onderwys te verbeter deur bronne beskikbaar te stel aan leerders en onderwysers in die openbare onderwyssektor.
|
| 3. |
Die OSI is gemik op die ondersteuning van permanente skoolgebaseerde onderwysers, deur die betaling van 'n maandelikse nie-pensioendraende toelaag, om die koste van die aankoop, koppeling en versekering van 'n skootrekenaar te dek. Die OSI is nie verpligtend nie en onderwysers wat deelnaam aan die OSI en wat aan die vereistes voldoen, sal 'n nie-pensioendraende toelaag van R130 per maand ontvang vir 'n tydperk van 5 jaar.
|
| 4. |
Die Raad vir Arbeidsverhoudings in die Onderwys (RAVO) het die mandaat om die projek te bestuur namens die DBO en die vakunies. Om die middelman te elimineer het RAVO kwotasies ingewin direk vanaf skootrekenaarvervaardigers en verskaffers van koppeling om die beste transaksie vir onderwysers te beding.
|
| 5. |
Die OSI sal oor 'n tydperk van vyf jaar geïmplementeer word. Die eerste groep onderwysers en prinsipale wat genooi sal word om deel te neem aan die skema en wat binne die WKOD se begroting vir die 2010-2011 finansiële jaar geakkommodeer kan word, sal gekeur word op die grondslag van hulle aantal diensjare.
|
| 6. |
Die provinsiale bekendstelling van die OSI sal plaasvind op Saterdag, 30 Oktober 2010, en die eerste groep van onderwysers en prinsipale wat gekeur is vir deelname sal uitnodigingsbriewe na die bekendstelling ontvang.
|
GETEKEN: PA VINJEVOLD
HOOF: ONDERWYS
DATUM: 2010:10:18
|