OMSENDBRIEF : | 0038/2010 | VERVALDATUM : | GEEN |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN ONDERWYS-DISTRIKSKANTORE), ADJUNKDIREKTEURE, KRINGSPANBESTUURDERS, IBB-BESTUURDERS, HOOFDE: KURRIKULUM-KOÖRDINERING EN -ADVIES, KURRIKULUMADVISEURS, EN HOOFDE VAN ALLE WKOD-INRIGTINGS |
KORT OPSOMMING: | Skole mag aansoek doen om te sluit op 28 en 29 April 2011 en moet dan die verlore tyd op ander dae inwerk |
ONDERWERP: | SKOOLDAE WAT OP 28 EN 29 APRIL 2011 VAL |
| 1. |
'n Aantal skoolhoofde het aangedui dat hulle graag hulle skole wil sluit op 28 en 29 April 2011, aangesien hierdie twee dae tussen die twee openbare vakansiedae, 27 April 2011 en 1 Mei 2011, val. |
| 2. |
Skole moet by hulle distriksdirekteure aansoek doen indien hulle verlang om op hierdie dae te sluit. Die aansoek moet aandui wanneer onderrigtyd ingehaal sal word en moet vergesel wees van skoolroosters wat op hierdie dae gevolg sal word vir hierdie doel. |
| 3. |
Hier volg voorbeelde van opsies wat skole moontlik sal wil gebruik:
- Begin die 2011-akademiese jaar twee dae vroeër, d.w.s. op 13 Januarie 2011 vir onderwysers en 17 Januarie vir leerders.
- Sluit die eerste of tweede skoolkwartaal twee dae later.
- Maak gebruik van Saterdae.
|
| 4. |
Indien skole graag op 28 en 29 April 2011 wil sluit, moet hulle skriftelik aansoek doen by hulle onderskeie distriksdirekteurs teen 5 November 2010. |
GETEKEN: PA VINJEVOLD
HOOF: ONDERWYS
DATUM: 2010:10:06
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
