Besonderhede van die Norme-en-standaardetoekenning (N&S) vir u skool vir die finansiële jaar wat strek vanaf 1 April 2011 tot 31 Maart 2012 het op SOBIS verskyn. Skole kan toegang daartoe verkry deur die volgende te doen:

• Log aan op SOBIS.
• Daar is 'n boodskap op een van die eerste skerms wat die prosedure aanbeveel.
• Kliek "Proceed". Beweeg die pyltjie oor die "Administration"-keuse-item op SOBIS en kliek op "Norms and Standards Allocation".
• Druk asseblief die bladsy.

U aandag word op die volgende gevestig:

Ooreenkomstig paragraaf 109 van die NNSSB moet die provinsiale onderwysdepartemente die nasionale armoedeverspreidingstabel (armoedetabel) gebruik om te bepaal hoe die teikenbedrae in elke provinsie toegewys moet word. Die gewysigde tabel hieronder gee 'n aanduiding van die persentasie van leerders in die Wes-Kaap wat in die verskillende nasionale kwintiele (NK's) geplaas mag word.

Daar word voorgestel dat skole hulle beskikbare toekenning soos volg tussen die onderskeie uitgawekategorieë verdeel:

• 50% vir leer- en onderrigondersteuningsmateriaal- (LOOM-) bestellings vir 2012 waarvan 10% spesifiek vir biblioteekmateriaal gereserveer moet wees. Elke leerder moet 'n handboek vir elke leerarea/vak hê. Die voorraad skoolbiblioteekmateriaal moet jaarliks aangevul word totdat die totale aantal items die minimum van die internasionale standaarde van 10 items per leerder weerspieël. Sien paragraaf 3.1.1 hieronder vir die lys van items wat onder LOOM val;
• 24% vir munisipale dienste. Skole kan egter begroot vir 'n groter persentasie as uitgawe-tendense dit vereis, bv.
• 6% vir instandhouding, en
• 20% vir plaaslike aankope.

1. a) Die Departement van Basiese Onderwys (DBO) definieer LOOM as enige materiaal wat onderrig en leer direk in die klaskamer of by die huis (huiswerk) ondersteun en fasiliteer. Dit sluit die volgende in:
   • Handboeke, leesboeke, naslaanboeke, voorgeskrewe werke, atlasse en woordeboeke;
   • Modules en werkboeke;
   • Plakkate en land- en muurkaarte;
   • Opvoedkundige bordspeletjies;
   • Biblioteekmateriaal (fiksie en niefiksie, naslaanboeke, videos wat vooraf opgeneem is, DVD's, oudiokassette, CD's, CD-ROM's, multimedia, ens.);
   • Rekenaarsagteware en lisensies;
   • Hulpbronmateriaal vir onderwysers, leerders, klaskamer en biblioteek.

2. Van skole word verwag om hulle volle LOOM-toekenning te gebruik vir die aankoop van LOOM wat die NKV-implementering in hulle klaskamers sal verryk en versterk. Skole word dus aangemoedig om hulle LOOM-toekenning te benut vir die aankoop van handboeke, voorgeskrewe werke, atlasse, woordeboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie, naslaanboeke, video-opnames, DVD's, oudiokassette, CD's, CD-ROM's en rekenaarsagteware.

3. Skole word versoek om daarop te let dat, as gevolg van sekere oudits wat by skole gedoen is, die afwyking wat genoem word in par. 3.1.1(b), wat toelaat dat afgewyk mag word en dat minder as 50% vir LOOM toegeken mag word, onderhewig aan duie beskikbaarheid van handboeke vir alle leerders, voldoening aan 'n minimum internasionale standaard van 10 items per leerder en 'n besluit wat behoorlik geneem is deur die skoolbeheerliggaam in daardie verband, nie meer van toepassing is nie (par. 3.1.1 (b) VAN Omsendbrief 0032/2009, dat dit herroep word en vervang word deur par. 3.1.1 (d) en (e) van hierdie omsendbrief.

4. Onderhewig aan die volgende voorwaardes, kan skole minder geld aan LOOM toeken:
   • indien elke leerder in die skool 'n handboek vir elke leerarea of vak en toegang tot ander LOOM-hulpbronne het; en
   • indien die skool jaarliks 10% van die LOOM-toekenning vir die aankoop van biblioteekmateriaal gebruik het om die biblioteekvoorraad aan te vul en die totale aantal items in die biblioteekvoorraad nou bestaan uit die minimum internasionale standaard van 10 items per leerder; en
   • indien die beheerliggaam ? formele besluit aangaande die afwyking geneem het. (Hierdie besluit van die beheerliggaam rakende die begroting wat aan 'n ouervergadering voorgelê word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgelê word, ongeag of dit deur die IBB-bestuurder ondersteun word of nie.)

5. Alle skole moet hou by die Voorkeurverkrygingsbeleid van die provinsie in die besteding van hulle N&S-toekenning vir LOOM. Daar is twee lyste van verskaffers vir hierdie doel. Lys A (die voorkeurlys), verteenwoordig daardie verskaffers wat voorkeur moet kry. Hulle is die sogenaamde voorheen benadeelde individue (VBI's) en klein, medium en mikro-ondernemings (KMMO's). Skole moet handboeke en ander boeke ter waarde van ten minste 70% van hulle N&S-toekenning van die verskaffers op Lys A koop. LOOM vir die balans (30% van die toekenning vir LOOM) mag van verskaffers op Lys B gekoop word. Die jongste lyste is aan skole voorsien onder dekking van aparte omsendbriewe.

6. Hoe om LOOM te verkry
   • Nie-artikel 21-skole moet die voorgeskrewe prosedures in Bylae A volg.

   • Artikel 21-skole moet by hou by die Voorkeurverkrygingsbeleid wanneer hulle LOOM-bestellings plaas by verskaffers wat op die B/WKOD 60-kontrak geregistreer is.

   • Skole moet alle Verdere Onderwys en Opleiding (VOO)-handboeke van die nasionale goedgekeurde VOO-katalogus (verwys na DCF Minuut 016/2009) kies. Wanneer hulle LOOM vir Algemene Onderwys en Opleiding (AOO)- of voorgeskrewe letterkunde kies, moet skole die riglyne en keuring van die WKOD Kurrikulum-direktorate volg. Skole kan met Distrikskantore in verbinding tree indien hulle hulp met die keuse van LOOM benodig.

   • Wanneer skole skoolbiblioteekmateriaal kies, moet hulle in verbinding tree met die EDULIS-koördineerder: Skoolbiblioteekdienste vir bystand met die soeke na en aankoop van aanbevole titels, asook met hulle distrik se skoolbiblioteekadviseur en/of bronnesentrumkoördineerder in verband met die ontwikkeling van hul biblioteke.

1. Die N&S-toekenning aan skole is bedoel vir die betaling van, onder andere, hulle maandelikse munisipalediensterekeninge, bv. elektrisiteit, water, riool en vullisverwydering, maar sluit die betaling van eiendomsbelasting uit. Soos in die verlede, sal die Staat die eiendomsbelasting op eiendom wat in die naam van die RSA geregistreer is, betaal.

2. Enkele skole het aangedui dat hulle nie hulle eie munisipale dienste wil bestuur nie en hulle rekeninge sal steeds deur die betrokke distrikskantore betaal word. Die distriksbeamptes sal elke maand vir elke skool voorsien van afskrifte van sy rekeninge sodat hulle nagegaan kan word en daar bevestig kan word dat die rekeninge korrek is. Die WKOD 032-bedrag verteenwoordig dit waarvoor die WKOD aanspreeklik sal wees en dit sal gebruik word om te betaal vir munispale dienste. Skole sal aanspreeklik wees vir die vereffening van enige munisipale skuld aangegaan meer as waaarvoor begroot is.
   Skole sal ook moet begroot vir addisionele munisipale uitgawes, rekeninge wat tans deur die WKOD aan skole gepos word (211...rekeningreeks), sowel as vir die ou rekeninge wat tans deur skole ontvang word.

3. Nie-artikel 21-skole moet aan die hand van vorige jare se uitgawes aan hierdie dienste, die bedrag bereken wat hulle opsy sit vir munisipale dienste en dit op die WKOD 032-vorm aandui. Hierdie bedrag, en die skole se instandhoudingsgelde, sal gelyktydig betaal word aan daardie skole wat die funksie aanvaar het.

4. Skole moet steeds, onder andere, die besparingsmaatreëls wat in Bylae B aangedui word, toepas.

5. ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hulle elektrisiteitsverbruik beter te beheer.

6. Waar dit onder die aandag van die departement kom dat skole nie hulle munisipale rekeninge vereffen nie, behou die WKOD die reg voor om fondse wat aan daardie skole toegeken is, agterweë te hou vir daardie doel.

1. Dag-tot-dag instandhouding sluit in die instandhouding van die terrein asook die instandhouding, skoonmaak, opknap, herstel en/of vervanging van spesifieke gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk a.g.v. verwaarlosing nodig het.

2. Waar die N&S-toekenning vir dag-tot-dag onderhoud onvoldoende is, word van skole verwag om die toekenning aan te vul vanuit eie skoolfondse, waar nodig. Skole moet begroot vir dag-tot-dag instandhouding na gelang van die toestand van hulle geboue en terreine. Die N&S-toekenning vir dag-tot-dag instandhouding kan ontoereikend wees. In sodanige gevalle behoort skole, waar toepaslik, die toekenning uit die skoolfonds aan te vul.

3. Skole moet ? bedrag van sy jaarlikse toekenning vir dag-tot-dag instandhouding terughou vir die instandhouding van toerusting wat gebruik word om die skoolterrein te verfraai, bv. onderhoud van die grassnyer, die aankoop van verf vir banke op die skoolterrein, en die aankoop van kalk en kunsmis.

4. N&S-toekennings mag nie gebruik word vir dag-tot-dag herstelwerk aan koshuise nie. Sodanige herstelwerk moet befonds word uit leerders se losiesgeld en -beurse.

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, maar die Departement word beperk tot die fondse wat vir hierdie doel beskikbaar is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

Ingevolge artikel 36(1) van die Suid-Afrikaanse Skolewet (Wet 84 van 1996) (SASW) soos gewysig, moet skoolbeheerliggame (SBL'e) alle redelike stappe doen om die staatshulpbronne aan te vul ten einde die gehalte van onderwys wat deur die skool aan alle leerders by die skool voorsien word, te verbeter. Geenskoolgeldskole mag nie verpligte skoolgeld (insluitende registrasiegelde) hef nie. Hulle word egter aangemoedig om vrywillige bydraes te soek en by fondsinsamelingsfunksies betrokke te raak..

Aansoeke om te verander van nie-artikel 21-status na artikel 21-status moet voor 25 Februarie 2011 op die aangehegte aansoekvorm (Bylae C) ingedien word. Suksesvolle skole sal eers vanaf die aanvang van die daaropvolgende finansiële jaar artikel 21-status ontvang, d.w.s. met ingang van 1 April 2011.

Indien die leerderinskrywing, gebaseer op die 2011-10de dag-opname, aan die begin van die nuwe (2011) skooljaar met meer as 7% toeneem of daal in vergelyking met die 2010 JOS- inskrywing, sal die N&S-toekennings aangepas word met die toename wat die 7% oorskry. Gewysigde toekenningsbriewe sal teen Maart 2010 aan skole gestuur word.

Die WKOD het talle skriftelike en telefoniese versoeke ontvang vir die hersiening van die Nasionale Kwintiele (NK's) van skole, gebaseer op werkloosheid van ouers, leerders uit armer woonbuurte wat die skole bywoon, niebetaling van skoolgeld, ens. In hierdie verband is die NNSSB heeltemal duidelik daaroor dat skole (begunstigdes van die toekenning) nie die bron van hierdie inligting mag wees nie, maar dat betroubare gegewens van inrigtings soos StatsSA of soortgelyke objektiewe data vir hierdie doel gebruik moet word.

Tot dusver kon geen aanpassings aan die armoedeklassifikasie van skole gemaak word vir die redes wat skole ingedien het nie. Slegs in gevalle waar die WKOD opdrag aan skole gee om leerders uit gebiede wat nie deel uitmaak van die onmiddellike gemeenskap nie in te skryf as gevolg van: (a) onvoldoende ruimte of (b) probleme met die gehalte van onderrig, mag oorweging geskenk word aan die aanpassing van 'n skool se NK-klassifikasie. Leerders wat uit eie keuse 'n skool buite die gemeenskap bywoon, mag nie oorweeg word as rede vir die hersiening van die armoedeplasing nie.

Die fondse wat ingevolge Omsendbrief 0032/2009 aan skole toegeken is, moet voor 31 Maart 2011 deur nie-artikel 21-skole bestee word. Alle uitstaande WKOD 043-vorms vir artikel 21-skole moet voor Maandag 28 Februarie 2011 ingedien word om te voorkom dat onbetaalde fondse verbeur word.