| 1. |
PERSONEEL DIENSTAAT VIR 2011
|
| 1.1 |
Die bekostigbare opvoederposmandjie vir die spesiale skole vir 2011 het met 35 poste toegeneem. By implikasie is daar nou 1749 in plaas van 1714 poste. |
| 1.2 |
Die personeeldiensstate van openbare spesiale skole is bepaal ingevolge die hersiene posvoorsieningsnorme soos goedgekeur deur die Hoofde van Onderwysdepartemente-komitee (HODKOM) in 2007, sowel as die WKOD se aanbevole norme waarop in 2007 met die onderwyserunies en skoolbeheer-liggaamverenigings ooreengekom is. |
| 2. |
MAATREËLS (BREË BEGINSELS) |
| 2.1 |
POSSTRUKTUUR
Die posstruktuur en beskrywings vervat in Kollektiewe Ooreenkoms 4/2003 van die Raad op Arbeidsverhoudinge in die Onderwys (RAVO) is van toepassing op personeeldiensstate. U aandag word duidelikheidshalwe gevestig op die feit dat die resolusies in die Beroepspesifieke Dispensasie vir Opvoeders (Kollektiewe Ooreenkoms 1 van 2008 van die RAVO) nie die diensstate van openbare skole vir 2011 beïnvloed het nie.
|
| 2.2 |
SKOOLGRADERING
Skole word gegradeer ooreenkomstig die Skoolgraderingsnorme soos vervat in Kollektiewe Ooreenkoms 3 van 2006 van die RAVO. Sien asseblief ook paragraaf 2.1 hierbo.
|
| 2.3 |
POSTE WAT VERVAL OP 31 DESEMBER 2010
Ingevolge die maatreëls van die Hersiene Posverspreidingsmodel (HPVM), moet spesiale openbare skole van hulle jaarlikse diensstate voorsien word voor die einde van September van die voorafgaande jaar. Dus, vir die 2010 akademiese jaar sal alle opvoederposte wat uitgereik is addisioneel tot die vaste personeeldiensstate van spesiale openbare skole op 31 Desember 2010 verval.
|
| 2.4 |
TERAPEUTPOSTE
Vier addisionele terapeutposte is vir die 2011 akademiese jaar toegeken. Dit bring die totale aantal poste wat aan spesiale skole toegeken word, op 140 te staan.
|
| 2.5 |
SIELKUNDEPOSTE BY OPENBARE SPESIALE SKOLE
Die sielkundeposte by spesiale openbare skole, waar van toepassing, is deel van die bevorderingsposte.
|
| 2.6 |
HERSIENING VAN 2011 SE DIENSSTATE |
| 2.6.1 |
Die WKOD het die aantal bekostigbare poste onder inrigtings onder sy beheer versprei in ooreenstemming met die HPVM en die WKOD-aanbevelings waarop met onderwyserunies en skoolbeheerliggaamverenigings ooreengekom is, en volgens die maatreëls soos uiteengesit in hierdie omsendbrief. Alleenlik beamptes wat in die Hoofdirektoraat: Interne-menslikekapitaalbestuur van die WKOD werk mag 'n opvoederpersoneeldiensstaat vir 'n skool uitdruk |
| 2.6.2 |
Daar is poste eenkant gesit vir groei by nuwe vaardigheidskole. Die skoolhoofde van hierdie skole mag aansoek doen om addisionele opvoederposte vroeg in die nuwe jaar (d.w.s. na die 10de skooldag in 2011) sodra die leerders teenwoordig is en op SOBID ingeskryf is. |
| 3.1 |
VUL VAN GEADVERTEERDE POSTE |
| 3.1.1 |
Alle poste wat reeds in 'n Departementele Vakaturelys geadverteer is, mag permanent gevul word, mits die pos op die opvoederpersoneeldiensstaat vir 2011 verskyn. |
| 3.1.2 |
Indien 'n geadverteerde pos nie op die diensstaat vir 2011 verskyn nie, is die inrigting nie geregtig op die pos nie en sal sodanige pos geag foutiewelik geadverteer te wees. |
| 3.1.3 |
Die bepaling dat 'n geadverteerde pos (veral 'n bevorderingspos) slegs gevul kan word indien dit nie veroorsaak dat 'n botallige opvoeder geskep word nie, bly van krag. |
| 3.1.4 |
Indien hoofde van inrigtings en beheerliggame van mening is dat die posbeskrywing van die geadverteerde pos nie langer aan die kurrikulumbehoeftes van die inrigting voldoen nie, mag hulle die WKOD versoek om die pos te beskou as foutiewelik geadverteer. 'n Uitgebreide verduideliking moet so 'n versoek vergesel. |
| 3.2.1 |
Opvoeders wat reeds botallig verklaar is op grond van vorige diensstate en in ooreenstemming met vorige prosesse en wat steeds botallig is, moet hulle botallige status behou. Hierdie opvoeders sal hanteer word ingevolge die geldende kollektiewe ooreenkomste van die RAVO. |
| 3.2.2 |
Hierdie botallige opvoeders (verwys na paragraaf 3.4.1) kan geabsorbeer word in vakatures op die nuwe diensstaat deur middel van passing en plasing. |
| 3.2.3 |
Permanente opvoeders moet botallig verklaar word ingevolge Kollektiewe Ooreenkoms 2 van 2003 van die RAVO. |
| 4. |
NAVRAE
Rig asseblief alle navrae aangaande hierdie omsendbrief (maatreëls, ens) aan kringspanbestuurders.
|
| 5. |
ALGEMEEN
Bring asseblief die inhoud van hierdie omsendbrief onder die aandag van alle opvoeders en lede van die skoolbeheerliggaam.
|
GETEKEN: PA VINJEVOLD
HOOF: ONDERWYS
DATUM: 2010:09:17
|