1. Personeeldiensstate vir 2011

Sien asseblief WKOD Omsendbrief 0031/2009 van 28 Augustus 2009 vir 'n volledige beskrywing van die betrokke wetgewende raamwerk, prosesse en maatreëls van toepassing op die jaarlikse uitreik van opvoederpersoneeldiensstate aan skole. die bogenoemde bly in plek en is dus ook van toepassing ten opsigte van 2011, behalwe vir die volgende reëlings.

1.1 Die Wes-Kaap Onderwysdepartement (WKOD) strewe daarna om maksimum stabiliteit van die poste wat 'n skool vir 2010 en 2011 ontvang het, te verseker. Dit beteken dat ongeveer 90% van WKOD gewone openbare skole dieselfde getal poste via Opvoederpersoneeldiensstaat (OPD) 2011 sal ontvang as wat hulle via OPD 2010 ontvang het. Met die oog op stabiliteit het die WKOD verseker dat, waar daar geen betekenisvolle verandering in die inskrywingsgetal van 'n skool is nie, sodanige skool sy postoekenning van 2010 in 2011 sal behou. Die opvoederpersoneeldiensstaat van 'n skool is dus hersien slegs waar daar 'n verandering in leerderinskrywingsgetal van ten minste 36 of meer leerders voorkom.
1.2 Die WKOD het die leerdertotale in 2009 vir OPD 2010 (3 Maart 2009), die leerdertotale op 2 Maart 2010 en die leerdertotale op 30 Junie 2010 bestudeer. Waar daar 'n betekenisvolle vermindering was (37 of meer in primêre skole en 33 of meer in sekondêre skole) in leerdertalle by 'n spesifieke skool tussen 2 Maart 2010 en 30 Junie 2010 is die leerdertotaal op 30 Junie 2010 vir daardie skool gebruik. Indien die vermindering in leerdergetalle klein was, is die total van 2 Maart 2010 gebruik om die leerdertotaal vir die OPD 2011 vir 'n spesifieke skool te bepaal.
1.3 Indien 'n skool 'n aansienlike vermindering in inskrywingstal gehad het, d.w.s. meer as 36, tussen 3 Maart 2009 en die datum gebruik vir die bepaling van die leerdertal vir 2011, is die skool se OPD 2011 bepaal deur die getal poste te verminder, proporsioneel tot die leerder: opvoeder-verhouding (L:O-verhouding) wat die skool met sy OPD 2010 ontvang het.
1.4 Indien 'n skool 'n aansienlike vermeerdering in inskrywingstal gehad het, d.w.s. meer as 36, tussen 3 Maart 2009 en die datum gebruik vir die bepaling van die leerdertal vir 2011, is die skool se OPD 2011 bepaal deur die getal poste te verminder, proporsioneel tot die leerder:opvoederverhouding (l:o-verhouding) wat die skool met sy OPD 2010 ontvang het.
1.5 'n Skool wat 'n rekenaarpos en/of 'n Dinaledi-pos en/of 'n fokuspos en/of 'n Nasionale Kwintiel 1-pos en/of 'n Grondslagfasepos vir 2010 ontvang het, ontvang hierdie poste ook vir 2011.

2. VUL VAN POSTE
2.1 'n Dringende versoek word aan alle skoolhoofde en skoolbeheerliggame gerig om voorkeur te verleen aan botallige opvoeders en Fundza Lushaka-beurshouers indien daar enige vakatures op Posvlak 1 gevul moet word.
2.2 Poste wat nie gevul kan word deur botallige opvoeders en Fundza Lushaka-beurshouers nie moet in die departementele vakaturelyste geadverteer word by die eerste moontlike geleentheid.

3. DIE PROSES WAT GEVOLG MOET WORD DEUR GEWONE OPENBARE SKOLE WAT AANSOEK DOEN OM ADDISIONELE POSTE VIR 2011
3.1 Addisionele poste is poste waarvoor gewone openbare skole aansoek doen wat addisioneel is tot die opvoederpersoneeldiensstaat vir die 2011 kalenderjaar (Wat in 2010 aan elke skool uitgereik word). LW: Navrae met betrekking tot aansoeke om addisionele poste as gevolg van groei of kurrikulêre behoeftes moet in die vervolg voorgelê word aan die Hoofdirekteur: Interne Menslikekapitaalbestuur.
3.2 Daar is twee soorte addisionele poste, nl. groeiposte en kurrikulumposte.
3.2.1 'n Groeipos is 'n pos waarvoor 'n gewone openbare skool aansoek doen op grond van 'n aansienlike toename in leerderinskrywings, soos gereflekteer op SOBIS en die leerderbywoningsregister van die skool vanaf Maart 2010 (d.w.s. die leerder-inskrywingsgetal vir die skool vir 2010 soos gereflekteer op die opvoederpersoneeldiensstaat-brief vir 2011) tot op die 10de skooldag van 2011.
3.2.2 'n Kurrikulumpos is 'n pos waarvoor 'n gewone openbare skool aansoek doen as gevolg van die uitbreiding tot die skool se kurrikulum (wat deur die WKOD goedgekeur moet word) of enige ander kontekstuele onderwysfaktor wat 'n gewone openbare skool sou verhinder om die kurrikulum doeltreffend en effektief te kan lewer.
3.3 GROEIPOSTE
3.3.1 Aansoeke vir groeiposte vir 'n gewone openbare skool sal slegs oorweeg word op grond van die leerderinskrywing van die skool soos op 1 Februarie 2011 (die tiende skooldag) , en op voorwaarde dat daar nog steeds poste beskikbaar is in die posmandjie. Die skool mag aansoek doen slegs nadat die skoolprinsipaal die skool se tiendedag-leerderinskrywingsgetal vir 2011 onderteken het. Die prinsipaal moet seker maak dat die getal leerders wat op SOBIS verskyn, ooreenstem met die getal leerders soos opgeteken in die leerderbywoningsregisters vir 2011. Die kringspanbestuurder (KSB) sertifiseer die korrektheid van 'n skool se tiendedagtotaal.
3.3.2 'n Aansoek om 'n groeipos moet aanlyn gedoen word. 'n Aansoek om 'n groeipos wat nie aanlyn gedoen is nie, sal nie deur die WKOD oorweeg word nie.
3.3.3 Wanneer 'n skool om 'n groeipos aansoek doen, hoef die skool nie 'n geskrewe motivering te verskaf nie. Die skoolhoof moet egter bevestig dat daar genoegsame en geskikte akkommodasie beskikbaar is vir die addisionele opvoeder(s) en leerders. Die WKOD mag egter die onderwysdistriksbeamptes of enige ander agent versoek om 'n koppetelling van leerders sowel as/of 'n oudit van leerdergetalle te doen.
3.3.4 'n Skool wat in 2010 aansoek gedoen het om 'n addisionele kurrikulumpos vir 2011 en dit ontvang het, sal nie kwalifiseer vir 'n groeipos in 2011 nie, tensy die skool vir meer groeiposte kwalifiseer in 2011 as die getal kurrikulumposte wat die skool in 2010 vir 2011 ontvang het. In so 'n geval sal die skool die verskil ontvang.
3.4 Om die total van die tiendeskooldag-leerderinskrywing van die skool te bepaal, moet die prinsipaal seker maak dat die volgende leerders uitgeplaas word of gederegistreer word op die SOBIS en verwyder word van die skool se leerderbywoningsregister sowel as die skool se toelantingsregister.
3.4.1 Leerders wat die skool verlaat het of uitgesak het uit die skool aan die einde van 2010 vir watter rede ookal.
3.4.2 Leerders wat 'n oordragsertifikaat van die skool ontvang het.
3.4.3 Leerders wat nie die skool bygewoon het vir enige van die tien dae van die akademiese jaar vir 2011 nie.
3.5 Die aansoek om 'n groeipos deur 'n gewone openbare skool sal oorweeg word slegs op die volgende voorwaardes:
3.5.1 Die leerdertotale van die skool moet bygewerk wees op SOBIS.
3.5.2 Alle leerders moet in klasse geplaas wees en op SOBIS vasgelê wees.
3.5.3 Al die vakke van al die leerders (behalwe miskien graad 10-leerders) in die skool moet op SOBIS vasgelê wees.
3.6 Gewone openbare skole mag aansoek doen om groeiposte vanaf 16:00 op Woensdag, 19 Januarie 2011 tot 15:00 op Vrydag, 11 Februarie 2011. Geen laat aansoeke sal oorweeg word nie.

4. KURRIKULUMPOSTE
4.1 Aansoeke om kurrikulumposte moet aanlyn op SOBIS gedoen word.
4.1.1 Dit mag plaasvind vanaf 10:00 op Maandag, 4 Oktober 2010 tot Vrydag, 22 Oktober 2010 om 15:00. Geen aansoek sal oorweeg word indien dit na 15:00 op Vrydag, 22 Oktober 2010 voorgelê word nie.
4.1.2 Indien 'n skool om 'n kurrikulumpos aansoek doen, word daar van die skool verwag om 'n lys met die name en vanne van nuwe leerders wat vir die 2011-akademiese jaar by die skool ingeskryf het, voor te lê, saam met elke leerder se SOBIS-nommer, geboortedatum, huidige graad, huidige skool (indien van toepassing), sowel as die naam van een van die ouers en sy of haar telefoonkontakbesonderhede. 'n Voorbeeld is aangeheg as Bylae D.
4.1.3 'n Aansoek van 'n skool wat nie die vaslegging van sy opvoederdata op die GOP van die MKVBS ingesleutel het nie, sal nie vir oorweging kwalifiseer nie. Die voltooide vaslegging moet deur die betrokke KSB of die IBB-bestuurder geverifieer word.
4.1.4 Al hierdie aanlyn-kurrikulumaansoeke sal deur die WKOD geprosesseer word teen Dinsdag, 30 November 2010.
4.1.5 Skole sal in kennis gestel word teen 10 Desember 2010 van die uitkoms van die eerste rondte van hulle aansoeke om kurrikulumposte.
4.2 Aansoeke om kurrikulumposte moet volledig gemotiveer word op skrif.
4.3 Die aansoek om 'n kurrikulumpos deur 'n gewone openbare skool sal oorweeg word slegs op die volgende voorwaardes:
4.3.1 Die skool moet getuienis lewer dat geen personeellid van die skool (met inbegrip van botalliges) in staat is om die vakke of fase waarvoor die skool 'n opvoeder soek aan te bied nie.
4.3.2 Die leerdertotale van die skool moet reeds bygewerk wees op SOBIS en ooreenstem met die leerdertotale in die skool se leerderbywoningsregister en die skool se toelatingsregister. Dit moet deur die KSB of die IBB-bestuurder geverifieer word.
4.3.3 Alle leerders moet in klasse geplaas wees en hierdie klaslyste moet op SOBIS vasgelê wees.
4.3.4 Al die vakke van al die leerders in die skool moet vasgelê wees op SOBIS.
4.3.5 Die skoolhoof moes reeds bevestig het, en die KSB moes geverifieer het dat daar genoegsame en geskikte akkommodasie vir die addisonele opvoeder(s) beskikbaar is.
4.3.6 Die skool moes reeds sy opvoederdata (WKOD-besodigde sowel as SBL-besoldigde personeel) op die GOP van die MKVBS bygewerk het.
4.3.7 'n Personeellid van die WKOD moes aangedui het dat al die SOBIS-gegewens vir die skool bygewerk is, dat daar geen duplisering van leerders is nie en dat daar 'n rekord op SOBIS is van al die leerders wat gederegistreer of uitgeplaas is.
4.3.8 Die skoohoof het die volgende voltooi en op die SOBIS ingesleutel:

  • Bylae A (Skedule van Onderwysertoekenning)
  • Bylae C (Skedule van Onderwystyd)
4.3.9 Die skoohoof het die volgende dokumente voltooi en ingelewer (verkrygbaar van jou KSB of distriksdirekteur)

  • Bylae B (Skedule van Onderwyserbenutting)
  • Bylae D (lys van name van sl die nuwe leerders)

Hierdie twee dokumente moet per e-pos aangestuur word na u KSB en u distriksdirekteur, sowel as aan die Hoofdirekteur: Interne-menslikekapitaalbestuur by e-posadres tmatseli@pgwc.gov.za of faksno: 021 467 2363.

4.3.10 Die geskrewe motivering op die SOBIS moet die volgende aandui:

  • Hoe die addisionele opvoeder(s) aangewend sal word (met insluiting van nuwe poste waarvoor aansoeke ingedien is.)
  • Hoekom die huidige opvoeders op die personeel nie die vak(ke) kan aanbied waarvoor die addisionele opvoeders benodig word nie.

Voorbeelde van voltooide Bylaes is na alle skole gestuur in 2009 met Menslikekapitaalbeplanningsminuut 8 van 2009.

Indien u wil aansoek doen om 'n addisionele pos, log asseblief in op SOBIS, kliek op Administrasie en kliek daarna op óf Groeiaansoek óf Kurrikulumaansoek afhangend van die soort pos waarvoor u aansoek doen.


5. NAVRAE

Rig asseblief alle navrae aangaande hierdie omsendbrief aan kringspanbestuurders.



GETEKEN: PA VINJEVOLD
HOOF: ONDERWYS
DATUM: 2010:09:17

Bylae A: Skedule - Vaktoekenning aan Opvoeder  (grootte: 42 KB)
Bylae B: Skedule - Benutting van Opvoeder  (grootte: 30 KB)
"Bylae C: Schedule of Teaching Time"  (grootte: 24 KB)
"Bylae D: New learners"  (grootte: 13 KB)
"CEMIS Website instructions"  (grootte: 315 KB)