| 1. |
Hierdie omsendbrief volg op Assesseringsbestuurminuut 0019/2009, wat skole versoek het om kommentaar te lewer op die rooster van die Nasionale Senior Sertifikaat-eksamen van Oktober-Desember 2010. Na aanleiding van kommentaar wat van die provinsiale onderwysdepartemente, nasionale belanghebbendes in die onderwys en godsdienstige organisasies ontvang is, moes die Department van Basiese Onderwys die rooster wat met die bogenoemde minuut uitgestuur is, aanpas. |
| 2. |
Die eksamen vir Rekenaartoepassingstegnologie (RTT), Spoedtoets (Opsioneel), Rekenaartoepassingstegnologie Vraestel 1 (Prakties) en Inligtingstegnologie (IT) Vraestel 1 (Prakties) sal onderskeidelik op 13, 14 en 15 Oktober 2010 afgeneem word. |
| 3. |
Kandidate wat nie RTT en/of IT aanbied nie, moet skool bywoon op 13, 14 en 15 Oktober 2010. |
| 4. |
Normale leer en onderrig moet voortduur tot 15 Oktober 2010, om soveel onderrigtyd as moontlik te verseker. Graad 12-leerders van 2010 mag toegelaat word om vanaf 18 Oktober 2010 tuis voor te berei vir die NSS-eksamen. |
| 5. |
Die hoofeksamenvakke begin op 25 Oktober 2010 en eindig op 3 Desember 2010. |
| 6. |
Twee eksamensessies is vir elke dag geskeduleer. Die oggendsessie sal om 09:00 en die middagsessie om 14:00 begin. |
| 7. |
Wat betref die toelating van kandidate tot die eksamenkamer, moet opsieners seker maak dat elke kandidaat sy of haar toegangsbrief en identiteitsdokument vertoon. Opsieners moet hierdie toelatingsvereiste streng toepas. 'n Kandidaat wat egter nie die vereiste dokument(e) kan toon by die ingang na die eksamenlokaal nie moet nie verhinder word om daardie spesifieke eksamen te skryf nie. Die betrokke kandidaat moet die vereiste dokument(e) die volgende dag toon. Indien die kandidaat die volgende dag nie daarin kan slaag om die vereiste dokument(e) te toon nie, moet 'n onreëlmatigheid verklaar word en dan moet die normale prosedure ten opsigte van onreëlmatighede gevolg word. |
| 8. |
Prinsipale moet kandidate inlig dat die Nasionale Senior Sertifikaat se aanvullende eksamens afgeneem sal word in Februarie-Maart 2011. Dit moet egter nie verwar word met die Mei-Junie 2011 Senior Sertifikaat-eksamens nie. |
| 9. |
Ingesluit is 'n kopie van die finale rooster vir die 2010 Nasionale Senior Sertifikaat-eksamen. |
| 10. |
Prinsipale word versoek om alle roosterbotsings aan die WKOD te rapporteer. Sodanige verslae moet op skrif voorgelê word teen Vrydag, 14 Mei 2010 by die volgende adres:
Hoof: Onderwys
Aandag: Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
Kaapstad
8000
Faks: 021 461 5637
E-posadres: tmagwaca@pgwc.gov.za
|
| 11. |
Daar word van prinsipale verwag om alle kandidate wat die Nasionale Senior Sertifikaat-eksamen skryf in kennis te stel dat hulle altyd hulle skooluniform moet dra wanneer hulle eksamen skryf, en dat hulle tot die laaste dag van die skoolkwartaal (10 Desember 2010) beskikbaar moet wees indien dit dalk nodig sou wees om die afneem van 'n sekere eksamen te herskeduleer, om watter rede ookal. |
GETEKEN: PA VINJEVOLD
HOOF: ONDERWYS
DATUM: 2010-05-17
|