OMSENDBRIEF : | 0018/2010 | VERVALDATUM : | GEEN |
AAN: | HOOFDIREKTEURE, DIREKTEURE, HOOFDE: IBB-KOÖRDINERING EN -ADVIES, KRINGSPANBESTUURDERS, IBB-BESTUURDERS, PRINSIPALE VAN ALLE OPENBARE SKOLE, EN VOORSITTERS VAN SKOOLBEHEERLIGGAME VAN OPENBARE SKOLE |
KORT OPSOMMING: | Gebruik van vrywaringsvorms en ouerverlofvorms |
ONDERWERP: | Ouerverlofvorms |
| 1. |
Skole wat uitstappies reël verwag van ouers om 'n vrywaringsvorm te teken. |
| 2. |
Die gebruik van hierdie vorms kan nie die reg van 'n kind om te eis vir skade in die geval van 'n ongeluk of insident tydens 'n skooluitstappie waar sodanige kind skade aan sy of haar persoon opdoen, wettiglik nietig verklaar nie. Die Wes-Kaap Onderwysdepartement (WKOD) beveel dus nie die gebruik van vrywaringsvorms aan nie. |
| 3. |
'n Skool moet egter die verlof van die ouer of voog verkry voordat die leerder die skoolterrein verlaat om op 'n skooluitstappie te gaan. Vir hierdie doel moet alle WKOD-skole die ouerverlofvorm gebruik. Die aangehegte vorm is 'n voorbeeld wat skole dalk sal wil gebruik |
| 4. |
Let asseblief daarop dat die gebruik van voormelde verlofvorm nie die skool en onderwysers kwytskeld van aanspreeklikheid wat voortspruit uit nalatigheid aan hulle kant nie. |
| 5. |
'n Ouerverlofvorm moet voltooi word vir elke en alle skooluitstappie(s). Skole mag nie die ouer of voog versoek om een vorm te voltooi ten einde alle uitstappies vir 'n jaar te dek nie. |
| 6. |
Bring asseblief die inhoud van hierdie omsendbrief onder die aandag van alle betrokkenes. |
GETEKEN: PA VINJEVOLD
HOOF: ONDERWYS
DATUM: 2010-04-13
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
