OMSENDBRIEF : | 0014/2010 | VERVALDATUM : | 30 Junie, 2010 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN ONDERWYSDISTRIKSKANTORE), ADJUNK-DIREKTEURE, HOOFONDERWYSKUNDIGES, HOOFDE: KURRIKULUM-KOöRDINERING EN -ADVIES, KURRIKULUM-ADVISEURS, KRINGSPAN-BESTUURDERS, HOOFDE: IBB-KOöRDINERING EN -ADVIES, IBB-BESTUURDERS, ADJUNKHOOF-ONDERWYSKUNDIGE, HOOFDE: GLOO- EN KOöRDINERING EN ADVIES, SENTRUMBESTUURDERS VAN GEMEENSKAPSLEERSENTRUMS EN HOOFDE VAN INRIGTINGS WAT KANDIDATE VIR DIE SENIOR EKSAMEN VOORBEREI |
KORT OPSOMMING: | Finale rooster en reëlings vir deeltydse kandidate wat die Senior Sertifikaat-eksamen in April - Junie 2010 aflê |
ONDERWERP: | ROOSTER EN REËLINGS VIR DIE APRIL - JUNIE 2010 SENIOR SERTIFIKAAT-EKSAMEN |
| 1. |
Die gewysigde Regulasies vir die Afneem, Administrasie en Bestuur van Assessering van die Senior Sertifikaat-eksamen maak voorsiening vir die skrif van die Senior Sertifikaat-eksamen van 2008 tot 2011. |
| 2. |
Aangeheg is die rooster vir die deeltydse kandidate wat die Senior Sertifikaat-eksamen in April - Junie 2010 sal aflê. |
| 3. |
Die eksamen begin op 13 April 2010 en loop ten einde op 08 Junie 2010. |
| 4. |
Op die meeste van die dae waarop die eksamen geskryf word, sal daar slegs een eksamensessie per dag wees, d.w.s. die middagsessie wat om 14:00 begin. |
| 5. |
Eksamensentrums vir die afneem van die Senior Sertifikaat-eksamens sal ingerig word in lokale wat deur die Wes-kaap Onderwysdepartement bepaal word. |
| 6. |
Die hoofopsiener moet seker maak dat kandidate die eksamenlokaal binnegaan 30 minute voor die amptelike aanvangstyd van die eksamensessie. Hierdie tydperk van 30 minute moet soos volg gebruik word: |
| 6.1 |
Die eerste 20 minute moet gebruik word om die kandidate hulle korrekte sitplekke te laat inneem, om die vraestelle uit te deel, ens. |
| 6.2 |
Gedurende die oorblywende 10 minute moet die kandidate hulle vraestelle deurlees.
|
| 7. |
Niemand mag skryf of aantekeninge maak in enige stadium van hierdie tydperk van 30 minute nie. 'n Oortreding van hierdie reël sal as 'n onreëlmatigheid beskou word. |
| 8. |
Kandidate moet ophou skryf op die tyd wat op die eksamenrooster aangedui word. |
| 9. |
Bring asseblief die inhoud van hierdie minuut onder die aandag van alle kandidate wat van voornemens is om die Senior Sertifikaat-eksamen in April - Junie 2010 af te lê. |
GETEKEN: PA VINJEVOLD
HOOF: ONDERWYS
DATUM: 2010:03:19
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
