OMSENDBRIEF : | 0011/2010 | VERVALDATUM : | GEEN |
AAN: | HOOFDIREKTEURE, DIREKTEURE, KRINGSPANBESTUURDERS, IBB-BESTUURDERS, HOOFDE: KURRIKULUMKOÖRDINERING EN -ADVIES, PRINSIPALE VAN SKOLE EN SKOOLBEHEERLIGGAME |
KORT OPSOMMING: | Aansoekprosedure en vorms vir skole wat hulle aantal grade of vakke wil vermeerder of verminder, of hulle taal van onderrig wil verander |
ONDERWERP: | VERMEERDERING OF VERMINDERING VAN DIE AANTAL GRADE OF VAKKE, OF VERANDERING VAN DIE TAAL VAN ONDERRIG (GRAAD 1-12) |
| 1.2 |
Ten einde skole in te lig oor die uitkoms van hulle aansoeke om hulle aantal grade of vakke te vermeerder of te verminder, of om hulle taal van onderrig te verander, het dit nodig geword om die bestaande proses te verander. Die nuwe proses sal verseker dat die skole wat aansoek doen in staat sal wees om hulle beplanning vir die akademiese jaar op hande aan die begin van die vierde skoolkwartaal te finaliseer. |
| 2.1 |
Hierdie omsendbrief is van toepassing op alle aansoeke om die aantal grade of vakke te vermeerder of te verminder, of om die taal van onderrig in graad R tot 12 by gewone openbare skole, insluitende nuwe skole, te verander. |
| 2.2 |
Wanneer 'n skool aansoek doen om veranderinge wat oor 'n tydperk strek, bv. invoer van graad 10 in 2011, graad 11 in 2012 en graad 12 in 2013, moet 'n nuwe aansoek elke jaar ingedien word. Dit sal die WKOD in staat stel om elke jaar daardie skool se toekennings aangaande personeelvoorsiening, norme en standaarde, en leer-en-onderrig-ondersteuningsmateriaal (LOOM) vir die volgende jaar te bepaal. |
| 2.3 |
'n Aansoek om die vermeerdering of vermindering van die aantal grade of vakke, of die verandering van die taal van onderrig, moet met die kringspanbestuurder bespreek word en al die gevolge moet oorweeg word. |
| 2.4 |
2.4 Waar 'n skool nie voortaan 'n bepaalde graad of vak sal aanbied nie, moet reëlings met die betrokke IBB-bestuurder getref word vir die oorplasing van die oortollige toerusting en LOOM na waar dit benodig word. |
| 2.5 |
Die prinsipaal moet die aansoek (op Deel A van die WKOD-092-aansoekvorm) teen 30 April van die voorafgaande jaar by die skool se IBB-bestuurder indien. |
| 2.6 |
Die WKOD sal elke skool teen 31 Augustus van die uitkoms van sy aansoek verwittig. |
| 2.7 |
Dankie vir u samewerking in hierdie verband. |
GETEKEN: PA VINJEVOLD
HOOF: ONDERWYS
DATUM: 2010:03:04
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
