| 1.1 |
IMfundo noQeqesho lwaBadala kwiNqanaba 4 (Adult Education and Training) (AET Level 4)) sisiqinisekiso sokuqala soMgaqo-sikhokelo weziQinisekiso zikaZwelonke (National Qualifications Framework) yaye sinika abafundi abadala amakhondo abanokuwakhetha akhokelela kwiSatifikethi seMfundo noQeqesho ngokuBanzi seThutyana (General Education and Training Certificate) (GETC)). |
| 1.2 |
Isiqinisekiso i-GETC ABET iNqanaba 4 kuze kungene endaweni yaso i-GETC yethutyana. |
| 1.3 |
Esi siqinisekiso sethutyana se-ABET iNqanaba 4 sibhaliswe kwiGunya loLawulo lweZiqinisekiso laseMzantsi Afrika (South African Qualifications Authority) (SAQA) njengenombolo 64309, saza sasayinwa nguMphathiswa weMfundo nge-30 Juni 2009. |
| 1.4 |
Umhla wokuphunyezwa kwe-GETC yethutyana kwi-ABET iNqanaba 4 nguJanuwari 2010 uze umhla wokugqibela osikelwe ukuba sipaswe ngawo (last date for achievement) ube yi-26 Novemba 2015.
|
| 2. |
Imigangatho yemilinganiselo ehlaziyiweyo novavanyo olwenzelwa esikolweni kwi-ABET iNqanaba 4
|
| 2.1 |
Ukongeza koku kungasentla, imigangatho yemilinganiselo ye-ABET iNqanaba 4 iye yahlaziywa yenziwa ukuba ingqinelane ne-GETC yethutyana. |
| 2.2 |
Imisebenzi yovavanyo olwenzelwa esikolweni (site-based assessment) (SBA)) iyinxalenye yenkqubo esaphuculwayo enjongo ikukukhuthaza umgangatho wokufunda nokufundisa eklasini. Ngako oko ke bayakhuthazwa ootitshala ukuba bangazifundisi ii-SBA, koko zisetyenziselwe iinjongo zovavanyo kuphela. |
| 2.3 |
Sele enziwe amalungiselelo okuqhelanisa abacebisi ngezekharityhulam be-AET, iingcali zeenkalo zezifundo nootitshala be-ABET beNqanaba 4 nesiqinisekiso sethutyana kunye nemilinganiselo yemigangatho ehlaziyiweyo. Kucelwa nifunde iNgcaciso eMfutshane yeCandelo lezeKharityhulam 0020/2009 malunga nemihla neendawo ekuya kuqhubekela kuzo uqeqesho.
|
| 3. |
Kucelwa ukuba abaphathi bamaziko bazise okubhalwe kule setyhula bonke ootitshala babo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2009:12:24
|