1. |
IKomiti yeeMviwo yamaPhondo ngamaPhondo (Inter-Provincial Examination Committee) iqulunqa ithayimthebhile yeemviwo zikazwelonke emva kokuba ithetha-thethane nabo bonke abathathi-nxaxheba nemibutho yezenkolo. Le thayimthebhile yowe-2009 yamkelwe yiKomiti yeeNtloko zamaSebe eMfundo (Heads of Education Departments Committee) yaze yavunywa liBhunga laBaphathiswa beMfundo (Council of Education Ministers). |
2. |
Izifundo i-Computer Applications Technology (CAT) Speed Test (ozikhethelayo), Computer Applications Technology Paper 1 (Practical) ne-Information Technology (IT) Paper 1 (Practical) ziya kubhalwa ngowesi-7, owesi-8 nowe-9 kuOktobha ngokulandelelanayo. |
3. |
Abafundi abangazenziyo izifundo i-CAT ne-IT kufuneka baye esikolweni ngokwesiqhelo ngowesi-7, owesi-8 nowe-9 Oktobha 2009. |
4. |
Ukususela kowe-12 Oktobha ukuya kowe-23 Oktobha 2009, ukufunda nokufundisa kwesiqhelo kuya kuqhuba ukuqinisekisa ukuba lifumaneka kangangoko kunako ixesha lokufundisa. Akukho mfundi weBakala 12 uya kuvunyelwa agoduke phambi kwexesha ngeenjongo zokuba ayokulungiselela ukufunda phambi kowama-23 Oktobha 2009. |
5. |
Zonke izifundo zepraktikhali, iilwimi ezingezozaseburhulumenteni kunye nezifundo ezinabaviwa abancinane ababhalisileyo kuzo ziya kubhalwa ngowama-26 nowama-30 Oktobha 2009. |
6. |
Ezona zifundo ziphambili zokuviwa zilungiselelwe ukuba zibhalwe ngowesi-2 Novemba 2009 ukuya kowesi-3 Disemba 2009. |
7. |
Zimbini iiseshoni zeemviwo ezilungiselelwe usuku ngalunye. Iseshoni yakusasa iya kuqala ngo-09:00 ize yona iseshoni yasemva kwemini iqale ngo-14:00. |
8. |
Iinqununu nabaphathi bamaziko kufuneka bazise abaviwa ngokuba iimviwo zokuxabangela zeSatifikethi seMatriki sikaZwelonke ziya kuqhutywa ngoFebruwari-Matshi 2010, kwaye kungafunekanga ukuba zibhidaniswe neeMviwo zeSatifikethi seMatriki sikaZwelonke zangoMeyi-Juni 2010. |
9. |
Apha kuqhotyoshelwe ikopi yethayimthebhile yokuphela konyaka yeSatifikethi seMatriki sikaZwelonke yowe-2009. |
10. |
Iinqununu nabaphathi bamaziko bayacelwa baripote kwi-WCED konke ukungqubana kwethayimthebhile okufumanekayo. Ezo ripoti mazingeniswe ngokubhaliweyo, phambi koLwesihlanu, we-16 Meyi 2009, kule dilesi ilandelayo:
Head: Education
Attention: Mr TJ Magwaca (Room 814)
Western Cape Education Department
Private Bag X9114
Cape Town
8000
Ifeksi: 021 467 2620
Idilesi ye-imeyili: tmagwaca@pgwc.gov.za
|
11. |
Iinqununu nabaphathi bamaziko bayacelwa ukuba bazise bonke abaviwa ukuba mababekho esikolweni kude kuyokuba ngumhla wokugqibela wekota wokuya esikolweni (owe-11 Disemba 2009), ukuba kunokuba yimfuneko, nokuba kungasiphi isizathu, ukuba ukubhala uviwo olo kurhoxiselwe elinye ixesha lokubhalwa kwephepha loviwo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2009:04:14
|