| 1. |
Bovermelde beleid is per Omsendbrief 0045/2006 van 1 September 2006 binne die Wes-Kaap Onderwysdepartement bekend gestel.
|
| 2. |
Soos in bovermelde Omsendbrief uiteengesit, is 'n werknemer (opvoeders sowel staatsdienspersoneel) geregtig op 36 dae siekteverlof oor 'n drie jaar siklus (die huidige siklus strek vanaf 2007 tot 2009). Alle siekteverlof wat benewens die normale siekteverlof benut word, word as tydelike ongeskiktheidsverlof geag en daar moet op die voorgeskrewe vorms daarom aansoek gedoen word. Duidelikshalwe word die prosedure hieronder herhaal:
|
| 2.1 |
Vir die benutting van gewone siekteverlof (dws die 36 dae) moet 'n nuwe Z1(a)-vorm (voorbeeld hierby aangeheg), ingevul word.
|
| 2.2 |
Ten opsigte van die benutting van tydelike ongeskiktheidsverlof vir kort periodes (1 tot 29 dae), moet 'n Bylae A, vergesel van 'n mediese sertifikaat, deur die werknemer ingedien word.
|
| 2.3 |
Ten opsigte van die benutting van tydelike ongeskiktheidsverlof vir aaneenlopende periodes van 30 dae en meer, moet 'n Bylae B volledig deur die werknemer en sy/haar mediese praktisyn ingevul word.
|
| 3. |
Ons wil graag aanbeveel dat u die webtuiste http://intrawp.pgwc.gov.za/ gebruik om die onderskeie bylaes te bekom: [for users on the Provincial (SITA) network only - for Circular 0045/2006 use the link above in paragraph 1]
Kliek aan die linkerkant op Departments
Kliek op Education (Internet)
Kliek op Quick Links en gaan na WCED Circulars and Minutes
Kliek op 2006 en rol af to by Omsendbrief 0045/2006 waar
u die onderskeie bylaes vir ongeskiktheidsverlof en uitdienstredes
weens swak gesondheid sal vind.
[for Circular 0045/2006 use the link above in paragraph 1]
|
| 4. |
Dit volg dus dat alle werknemers (opvoeders sowel as staadienspersoneel) wat aansoek doen om ongeskiktheidsverlof en uitdienstrede weens swak gesondheid, dit op die voorgeskrewe vorms moet doen.
|
| 5. |
Bring asseblief die inhoud van hierdie omsendbrief onder die aandag van al die personeel onder u beheer. Hoofde van inrigtings word versoek om 'n afskrif van die omsendbrief aan die voorsitter van die beheerliggaam te stel.
|
GETEKEN: TS MATSELISO
HOOF: ONDERWYS
DATUM: 2008:12:17
|