| 1. |
Die jaarlikse verlofbedeling vir staatsdienspersoneel is in Omsendbrief 0231/2003 van 1 Desember 2003 uiteengesit. |
| 2. |
Daar is in die omsendbrief verduidelik dat alle staatsdienspersoneel by onderwysinrigtings geregtig is op jaarlikse verlof van 27 werksdae, waarvan ten minste 22 dae geneem moet word gedurende die tydperk wanneer die skool of opleidingsinrigting vir die vakansie sluit. Die oorblywende 5 dae kan geneem word terwyl die inrigting in bedryf is. |
| 3. |
In die omsendbrief is hoofde van inrigtings ook versoek om seker te maak dat hulle die beginsels van regverdigheid en billikheid handhaaf wanneer hulle verlof toestaan. |
| 4. |
Dit blyk egter asof daar by beide hoofde van inrigtings en staatsdienspersoneel misverstand bestaan oor die jaarlikse verlofbedeling. |
| 5. |
Die verstandhouding is eenvoudig dat alle staatsdienspersoneel diens moet verrig gedurende skoolkwartale en tye wanneer skole en inrigtings gesluit is, met uitsondering van die tydperke wanneer hulle met verlof is. In alle sodanige gevalle moet die verloftydperk/tydperk van afwesigheid gedek word deur goedgekeurde verlof, d.w.s. 'n behoorlik voltooide verlofvorm moet by die WKOD ingedien word. Die voormelde beteken dat enige staatsdienspersoneellid wat afwesig is van diens om watter rede ookal, die voorgeskrewe verlofvorms moet indien. |
| 6. |
Die enigste personeellede wat nie verlofvorms ten opsigte van hulle jaarlikse verlof hoef in te dien nie, is opvoeders wat gedurende tydperke wat skole gesluit is (skoolvakansies) geag word op jaarlikse verlof te wees. |
| 7. |
Alle staatsdienspersoneel, d.w.s. administratiewe personeel en algemene werkers, is geregtig op nie meer nie as 27 werksdae verlof per jaar. Indien meer verlof as hierdie geneem word, sal verlof sonder betaling toegeken moet word (indien die werknemer oor geen opgehoopte verlofkrediet beskik nie). |
| 8. |
Hoofde van inrigtings word vriendelik versoek om aansoeke om verlof so gou as moontlik na hierdie kantoor te stuur. |
| 9. |
Bring asseblief die inhoud van hierdie omsendbrief onder die aandag van alle staatdienspersoneel onder u beheer en oorhandig asseblief 'n afskrif daarvan aan die voorsitter van u beheerliggaam. |
| 10. |
U samewerking in bostaande verband sal hoog op prys gestel word. |
GETEKEN: PA VINJEVOLD
HOOF: ONDERWYS
DATUM: 2009:11:26
|