| 1. |
Die Wes-Kaap Onderwysdepartement (WKOD) wil graag alle opvoeders bedank vir hulle toewyding en harde werk gedurende die afgelope aantal maande. U pogings om gehalteonderwys te lewer word waardeer.
|
| 2. |
Dit het onder die aandag van die WKOD gekom dat sekere organisasies met politieke affiliasies en aspirasies van tyd tot tyd skole teiken om die organisasies se agendas en programme te bevorder.
|
| 3. |
Om te verseker dat opvoeders hulle pligte ongehinderd kan verrig, en dat leerders die volle voordeel trek uit die onderrig wat deur die skool aangebied word, is dit van die uiterste belang dat geen aktiwiteit wat enigsins inbreuk maak op die lewering van die kurrikulum of wat die skoolprogram ontwrig, toegelaat word nie. Skole is sentrums van leer en onderrig en as inrigtings wat die leerders en die gemeenskap dien, moet hulle nie gebruik word vir die bevordering van nie-kurrikulêre kwessies of vir sake wat nie deel van die skoolprogram uitmaak tydens formele skoolure nie.
|
| 4. |
Daarom, met onmiddellike inwerkingtreding, sal geen aktiwiteite wat nie direk verband hou met die kurrikulum of skoolprogram tydens skoolure op die skoolterrein toegelaat word nie.
|
| 5. |
Prinsipale en distriksbeamptes word versoek om seker te maak dat geen aktiwiteit wat inbreuk maak op die kurrikulum of skoolprogram tydens onderrigtyd by die skool toegelaat word nie. Dit sluit politieke of partypolitieke-verwante aktiwiteite in.
|
| 6. |
Bring asseblief die inhoud van hierdie omsendbrief onder die aandag van alle betrokkenes.
|
| 7. |
U samewerking sal gewaardeer word.
|
GETEKEN: BK SCHREUDER
WNDE. HOOF: ONDERWYS
DATUM: 2009:10:29
|