| 1.1 |
Onderwys en Opleiding vir Volwassenes (OOV) Vlak 4 is die eerste kwalifikasie op die Nasionale Kwalifikasieraamwerk en voorsien volwasse leerders van bane tot die tussentydse Algemene Onderwys-en-opleidingsertifikaat (AOOS). |
| 1.2 |
Die AOO BOOV Vlak 4-kwalifikasie van 2009 sal uitgefaseer word en sal vervang word deur die tussentydse AOOS. |
| 1.3 |
Hierdie tussentydse kwalifikasie op BOOV Vlak 4 is geregistreer by die Suid-Afrikaanse Kwalifikasiesowerheid (SAKO) as nommer 64309, en is op 30 Junie 2009 onderteken deur die Minister van onderwys. |
| 1.4 |
Die implementeringsdatum van hierdie tussentydse AOOS op BOOV Vlak 4 is Januarie 2010 en die laaste datum om dit te behaal is 26 November 2015 |
| 2. |
Hersiene eenheidstandaarde en terreingebaseerde assessering op BOOV Vlak 4 |
| 2.1 |
Benewens bogenoemde is die BOOV Vlak 4-eenheidstandaarde hersien en in ooreenstemming gebring met die tussentydse AOOS.
|
| 2.2 |
Die terreingebaseerde assesseringstake (TGA-take) maak deel uit van 'n ontwikkelingsproses wat gemik is op die verbetering van die vlak van onderrig en leer in die klaskamer. Onderwysers word dus aangeraai om nie die TGA's te onderrig nie, maar om hulle slegs vir assesseringsdoeleindes te gebruik.
|
| 2.3 |
Reëlings is getref vir die oriëntering van AOO-kurrikulumadviseurs en leerareakundiges en BOOV Vlak 4-onderwysers rakende die tussentydse kwalifikasie en die hersiene eenheidstandaarde. U word verwys na Kurrikulum minuut 0020/2009 vir die datums en plekke waar die opleiding sal plaasvind. |
| 3. |
Sentrumbestuurders van gemeenskapsleersentrums word versoek om die inhoud van hierdie omsendbrief onder die aandag van al hulle onderwysers te bring. |
GETEKEN: PA VINJEVOLD
HOOF: ONDERWYS
DATUM: 2009:12:24
|