1. Ons verwys na Omsendbrief 0028/2009 van 22 Augustus 2009.
2. Die volgende is van toepassing op die vakke Afrikaans, Engels, Xhosa, Sotho en Tswana:
2.1 Die boeke wat vir graad 7, 8, 9, 10 en 11 op die lys is, is aanbevelings;
2.2 Die volgende is die voorskrifte vir al bogenoemde tale in graad 10 en 11:
2.2.1 HUISTAAL-kandidate bestudeer poësie, een roman en een drama. Al drie genres word intern geëksamineer. Kortverhale, of enige van die genres wat op die lys verskyn in die Vakassesseringsriglyne van Januarie 2008, kan gebruik word vir mondelinge respons op letterkunde. Die vereiste is dat die genre wat vir mondelinge respons gebruik word, nie een van die genres moet wees wat in die letterkunde-eksamen (Vraestel 2) geëksamineer word nie. Die mondelinge respons op letterkunde word ook intern geëksamineer;
2.2.2 EERSTE ADDISIONELE TAAL-kandidate bestudeer ENIGE TWEE van die volgende: poësie, roman, drama, kortverhale. Hierdie twee genres word intern geëksamineer. Enige van die genres op die lys in die Vakassesseringsriglyne van Januarie 2008 mag gebruik word vir die mondelinge respons op letterkunde. Die vereiste is dat die genre wat vir mondelinge respons gebruik word nie een van die genres moet wees wat in die letterkunde-eksamen (Vraestel 2) geëksamineer word nie. Die mondelinge respons op letterkunde word ook intern geëksamineer;
2.2.3 TWEEDE ADDISIONELE TAAL-kandidate bestudeer ENIGE EEN van die volgende genres: poësie, roman, drama, kortverhale. Hierdie genre word intern geëksamineer. Tweede Addisionele Taal-kandidate hoef nie 'n mondelinge respons op letterkunde taak te doen nie en bestudeer dus slegs EEN genre vir die jaar.
3. Die Departement vra om verskoning vir enige onsekerheid wat as gevolg van Omsendbrief 0028/2009 mag ontstaan het.


GETEKEN: T SINGH
HOOF: ONDERWYS
DATUM: 2009:09:30