| 1. |
NUWE VORDERING- EN BEVORDERINGSVEREISTES VIR GRAAD 1 - 9 |
| 1.1 |
Die nodigheid om minimum vereistes vir vordering in graad 1 - 8 en bevordering in graad 9 tot 10 daar te stel is deur die Raad vir Onderwysministers geïdentifiseer en aan skole deurgegee deur middel van Omsendbrief 18/2009. 'n Daaropvolgende brief van die Departement van Basiese Onderwys van 5 Augustus 2009 dui nou aan dat die beleid oor assessering in die Staatskoerant sal verskyn sodra die aanbevelings van die hersiening van die implementering van die Nasionale Kurrikulumverklaring in die beleid opgeneem is. Daarom sal die vordering- en bevorderingsvereistes soos vervat in Omsendbrief 18/2009 landswyd verpligtend wees met ingang van 2010.
|
| 1.2 |
Skole moet dus in 2009 leerders laat vorder en bevorder in 2009, deur gebruik te maak van die vereistes vir vordering en bevordering, soos bepaal in Regeringskoerant no. 29626 van 2007 |
| 1.3 |
Die Wes-Kaap Onderwysdepartement betreur die feit dat dit nodig moet wees om voorafgekondigde maatreëls te verander, en wil graag verskoning maak vir die verwarring en verleentheid wat dit vir skoolgemeenskappe veroorsaak het. Baie sal dit egter verwelkom dat besluit is om die nuwe vordering- en bevorderingsvereistes eers vanaf 2010 te implementeer, aangesien baie skoolhoofde hulle kommer uitgespreek het oor die tydsberekening van die implementering. |
| 1.4 |
Skoolhoofde word nou aangeraai om die saak behoorlik aan te pak en onderwysers, ouers en leerders wat deur die nuwe vereistes in 2010 geraak word, deeglik voor te berei. |
| 2. |
REKORDERING EN RAPPORTERING IN GRAAD 9 |
| 2.1 |
Die GTA afdelings A en B sal albei gedurende die vierde kwartaal afgeneem word. Afdeling B moet gedoen word ooreenkomstig die nasionale rooster wat hierdie omsendbrief as Bylae A vergesel. |
| 2.2 |
Vir 2009, sal GTA Afdeling A en skoolgebaseerde assessering (SGA) 75% van die totale bevorderingspunt vir graad 9 in elke leerarea uitmaak. Die GTA Afdeling A sal 10% en die skoolgebaseerde assessering 65% van die finale SGA-punt tel. |
| 2.3 |
Afdeling B van die GTA sal dus 25% van die totale bevorderingspunt per leerarea tel. |
| 2.4 |
Hersiene elektroniese weergawes van die graad 9 punteskedule sal spoedig aan alle skole voorsien word op die SOBIS- webtuiste by http://wcedmis.pgwc.gov.za/wcedmis/ onder die hofie Reports and Assessments. |
| 3. |
ALGEMENE ONDERWYSSERTIFIKAAT |
| 3.1 |
Die Raad vir Onderwysministers het ooreengekom dat basiese onderwys sal dui op onderwys van graad R tot graad 12. |
| 3.2 |
In die lig van bogenoemde, is daar dus nie meer 'n behoefte aan 'n Algemene Onderwyssertifikaat nie. |
| 3.3 |
Die AOS-loodsproses is dus gekanselleer. |
| 4. |
Die Wes-Kaap Onderwysdepartement vra verskoning vir enige ongerief wat veroorsaak is deur laat veranderings aan die vooraf afgekondigde maatreëls. Ons is van plan om skole te help om die onderwys beter te bestuur en ons is daartoe verbind om met almal betrokke deurlopende afsprake te reël om te verseker dat enige veranderings wat die skoolbestuur raak voor die einde van September van die jaar voor implementering afgekondig word. |
| 5. |
Bring asseblief die inhoud van hierdie omsendbrief onder die aandag van al die onderwysers, ouers en ander betrokke persone. |
GETEKEN: BK SCHREUDER
HOOF: ONDERWYS
DATUM: 2009:08:27
|