1. Alle verskaffers wat kwotasies indien moet op Bylae C (Verklaring van Belang) verklaar of hulle direkteure of aandeelhouers werknemers is van die Wes-Kaap Onderwysdepartement of 'n ander provinsiale of nasionale departement. Bylae C moet voltooi en geteken word deur die entiteite wat die aanbod indien. Geen aanbod mag oorweeg word as die voltooide Bylae C nie aangeheg is nie.
2. Alle lede van die komitee wat die aanvaarding van kwotasies oorweeg moet die ingeslote Bylae B (Verklaring van Vertroulikheid en Onpartydigheid) voltooi en teken. Die voorsitter van die komitee moet dan die vorm teken en seker maak dat, vir elke kwotasie wat deur die komitee oorweeg is, elke komiteelid die Bylae B-vorm voltooi en onderteken.
3. Indien die verskaffer verklaar dat 'n direkteur of aandeelhouer in die diens van die staat is, moet die personeelafdeling van die betrokke hoofkantoor bevestig dat die betrokke staatswerknemer die nodige goedkeuring het om die werk te doen waarvoor hy of sy 'n aanbod ingedien het, en waarvoor hy of sy vergoeding sal ontvang.
4. Daar word ook van personeel in die verkrygingslyn by distrikskantore, asook lede van komitees na wie daar in paragraaf 2 verwys is, verwag om Bylae A ten minste jaarliks, of wanneer die inligting wat op die vorm voorsien is, verander het, te voltooi. Alle voltooide Bylae A-vorms (Finansiële Openbaarmaking) moet in 'n aparte lêer geplaas word, en Bylae B-vorms moet saam met die betrokke botte of kwotasies geliasseer word vir ouditdoeleindes.
5. Bring asseblief die inhoud van hierdie minuut onder die aandag van alle belanghebbendes. Hulle moet bevestig dat hulle dit ontvang en gelees het deur 'n sirkulasielys te onderteken.
6.


GETEKEN: LJ ELY
HOOF: ONDERWYS
DATUM: 2009:08:27

"Annexure A: Financial Disclosure Form"  (grootte: 16 KB)
"Annexure B: Declaration of Confidentiality and Impartiality"  (grootte: 9 KB)
"Annexure C: Declaration of Interest"  (grootte: 8 KB)