1. U word verwys na Omsendbrief 0022/2008 van 6 Augustus 2008 in bogemelde verband.
2. Paragraaf 1.1 van die bogemelde omsendbrief verleen aan 'n direkteur die bevoegdheid om slegs in uitsonderlike gevalle goedkeuring te verleen dat fasiliteite anders as WKOD- fasiliteite (skole, tegniese kolleges, fasiliteite by distrikskantore) vir die aanbieding van amptelike opleidingsessies en vergaderings gebruik mag word. Gevalle waar hotelle ten duurste gebruik is vir opleidingsdoeleindes het egter onlangs voorgekom. Onderwysers het ook in sodanige hotelle gebly. Ten einde te verseker dat die besparingsmaatreëls neergelę in Omsendbrief 0022/2008 van 6 Augustus 2008 nougeset nagekom word, moet alle aansoeke om hotelle of gastehuise vir opleidingsdoeleindes te gebruik volledig gemotiveer wees en ingedien word by die betrokke Adjunk-Direkteur-Generaal. Die volgende inligting moet onder andere verskaf word:

  1. Die pogings wat aangewend is om 'n onderwysinrigting te gebruik
  2. Die rede(s) waarom 'n beskikbare onderwysinrigting nie aan die vereistes vir 'n spesifieke amptelike byeenkoms voldoen nie
3. Die rekwisisie, vergesel van die voormelde goedkeuring, moet vir verdere aandag aan die Direktoraat: Verkrygingsbestuur gestuur word.
4. Maak asseblief seker dat alle beamptes bewus is van die bogemelde bepaling.


GETEKEN: LJ ELY
WND. HOOF: ONDERWYS
DATUM: 2009:08:25