| 1. |
Die nasionale Departement van Onderwys het 'n voorbeeld van 'n gedragskode vir skole beskikbaar gestel. Die Suid-Afrikaanse Skolewet, 1996 (Wet 84/1996) propageer die beginsel baie duidelik dat elke skool sy eie gedragskode vir leerders moet ontwikkel. Elke skool moet egter groot sorg neem dat sy kode deur middel van demokratiese metodes en konsultasie ontwikkel word. Dit moet ook verseker dat al sy bepalings pas binne die Suid-Afrikaanse Grondwet, wat die Handves van Regte, en veral die regte van kinders insluit. |
| 2. |
Die gedragskode moet die reëls uitspel ten opsigte van die dissiplinêre stelsel wat deur die skool geïmplementeer moet word en moet die leerdergedrag omskryf op skool en op die terrein of wanneer die leerders weg van die skool is en die skool verteenwoordig of 'n skoolfunksie bywoon. |
| 3. |
Ons wil graag beklemtoon dat skole in hulle gedragskode klem moet lê op die Regulasies vir Veiligheidsmaatreëls by Openbare Skole, soos gepromulgeer deur Regeringskennisgewing maatreël 4 van 1040 van 12 Oktober 2001 (soos gewysig deur Regeringskennisgewing R1128 in die Regeringskoerant 29376 van 10 November 2006), SASW (84/1996) en die Wysiging: Regulasie vir Veiligheidsmaatreëls by Openbare Skole 29376, 10 November 2006, soos dit van toepassing is op die teenwoordigheid van gevaarlike voorwerpe of onwettige dwelms op openbare skoolgronde, of op die persoon wat hierdie regulasies oortree. |
| 4. |
Om skole te help om hulle eie gedragskode op te stel met die oog op die vestiging van 'n gedissiplineerde en doelmatige omgewing wat doeltreffende onderrig en leer by die skool bevorder, sluit ons in 'n elektroniese weergawe van die boek, A Code of Conduct for a School. Die weergawe gee die volgende in hooftrekke:
Deel 1: Skoolreëls
Deel 2: Dissiplinêre stelsel
Bylae A: Leerdertoewydingsvorm
Bylae B: Tabel 1: Lys van oortredings per graad van oortreding
Tabel 2: Lys van die moontlike dissiplinêre sanksies wat toegepas moet word vir graad 1, 2, 3,
en 4 oortredings onderskeidelik
Bylae C: Voorbeeld van 'n geskrewe waarskuwing
Bylae D: Voorbeeld van 'n finale geskrewe waarskuwing
Bylae E: Voorbeeld van 'n kennisgewing van 'n dissiplinêre verhoor.
Bylae F: Voorbeeld van 'n opname van 'n dissiplinêre verhoor.
Bylae G: Voorbeeld van die aanteken van 'n appél (Hersieningsvorm)
|
| 5. |
Ons vertrou dat u hierdie gids nuttig sal vind en dat u 'n gedragskode sal ontwikkel wat u sal help om 'n veilige omgewing te skep vir die lewering van onderwys en leer van gehalte. |
GETEKEN: RB SWARTZ
HOOF: ONDERWYS
DATUM: 2009:06:30
|