| 1. |
U aandag word gevestig op Omsendbrief 0009/2007 van 22 Maart 2007, waarin die beheerliggame van openbare skole versoek is om 'n tabel in te dien waarin die getal aansoeke om vrystelling van die betaling van skoolgeld aangedui word. Hierdie versoek is gerig ingevolge Regulasie 3 van die Regulasies Betreffende die Vrystelling van Ouers van die Betaling van Skoolgeld in Openbare Skole (Geenskoolgeldskole uitgesluit), wat gepromulgeer is ingevolge die Suid-Afrikaanse Skolewet (Wet 84 van 1996).
|
| 2. |
Prinsipale en voorsitters van beheerliggame word weereens herinner om teen die einde van die eerste skoolkwartaal van elke jaar 'n voorlopige tabel in te handig waarop die statistiek wat in bogenoemde omsendbrief aangevra is, aangedui word. 'n Finale tabel moet op of voor 30 November van elke jaar ingehandig word. Hierdie versoek is van toepassing op alle openbare skole buiten dié wat tot geenskoolgeldskole verklaar is. Geenskoolgeldskole mag nie skoolgeld vra nie.
|
| 3. |
Let egter daarop dat die vereiste statistiek van nou af by die bepaalde distrikskantoor ingehandig moet word en nie by die WKOD-hoofkantoor soos versoek in Omsendbrief 0009/2007 nie. Distrikskantore word op hulle beurt versoek om 'n databasis by te hou van alle inligting met betrekking tot vrystelling van die betaling van skoolgeld wat van openbare skole ontvang is. 'n Opsomming van hierdie statistiek (per skool) moet aan die einde van die vierde kwartaal Hoofkantoor gestuur word vir die aandag van mnr IJ Morkel by die Direktoraat: Inrigtingsbestuur- en -beheerbeplanning, kamer 1015, Atterbury House, Riebeeckstraat 9, Kaapstad, 8000.
|
| 4. |
Bring asseblief die inhoud van hierdie omsendbrief onder die aandag van alle personeel en lede van die beheerliggaam.
|
GETEKEN: HA LEWIS
HOOF: ONDERWYS
DATUM: 2008:12:17
|